'I raftë pika drogave kur s' sheh nanën e sëmur 5 minuta! Askush që ka shit si ju me shuma të mëdhaja s'ka shpëtu pa humbur pasurinë e familjen! Mesazhet e Erzenit për të birin

Erzen Breçani ishte në dijeni të aktivitetit të trafikut të kokainës të të birit Eralbi Breçani dhe shpesh herë madje si prind i tërheq vëmendje. Në një bisedë të zhvilluar 8 shtator të vitit 2020, Erzen Breçani i thotë të birit se pse nuk ka shkuar që të takojë të emën, e cila ka qenë edhe sëmurë, ndërsa njëkohësisht shfaq edhe dijeninë lidhur me aktivitetin që ushtron i biri për trafikun e drogës.

Në 8 shtator 2020 Erzen Breçani bisedon me Eralbi Breçanin, ku dërgon mesazhet:

"...Po ju a e gjet perzirsin...Se këta që pyta unë te Petriti thonë nuk kemi gjet, nuk dimë kush e fut… Ani mir boll...Se këtu mos me u marr me shit hiç, sidomos të përziem se për mall të keq e shesin tjetrin për dy parë…. Sa keni shit...Ku e keni shit... Ku je...Se jam ka due me dal...Po a nuk e takove Ujezën hic sot a...? Po e kie nanë, a kan s’mut e nuk e takove as dy minunta? A marre more... He i raft pika punve e drogave e tanave, se nuk di ç’ka u duhen kur t’shkojn nana e sëmut e mos me pa pesë minuta...".- thuhet në dosje.

Në një mesazh të 10 shtatorit 2020 Erzen Breçani përpiqet ta bindë të birin ta lërë këtë punë madje të largohet nga Mata pasi

"Askush që ka shit si ju me shuma të mëdhaja nuk ka pshtue po humb tanë pasuninë e familjes e familjen vetë"

 

Lajmi kryesor:

Dosja e SPAK/ Erzen Breçani dyshohet se investoi 350 mijë euro të trafikut të drogës së djalit në HEC: 'Bush, tan kta në Shqipëri thon djali Erzenit ka bjen mall

M.Q./S.G/Shqiptarja.com

TAG:
• spak
• Erzen Breçani
• arrestohet erzen brecani
• eralbi brecani
• ervin mata
• HEc Drita