SPAK e akuzon ish nëndrejtorin e policisë së Tiranës Erzen Breçani për 2 akuza ‘pastrim parash’ dhe për përkrahje të autorëve të krimit.
Akuza e pastrimit të parave është ngritur pasi dyshohet se 350 mijë euro të ardhura nga trafiku drogës janë investuar në HEC-in Drita.
Koncesioni me afat 35 vite për ndërtimin e HEC Drita është dhënë më 12 korrik 2019 me vendim të Këshillit Kombëtar të Territorit.
Breçani komunikon me të birin, i cili akuzohet për trafik droge, me aplikacionin SkyECC.
Në një bisedë të datës 18 gusht 2020 Erzeni i tregon që ka patur një bisedë me Ervin Matën dhe ky i fundit i ka ofruar 500 mijë euro borxh për ta ndihmuar për ndërtimin e një HEC-i, por Erzeni ka refuzuar.
Gati një muaj më pas, në bisedën e 20 shtatorit 2020 Ora 20:05 Breçani komunikon me Eralbin (në sky I identifikuar me kodin S7DEGI) kuptohet që Eralbi ka premtuar një sasi parash të cilat ende nuk i ka marrë Breçani dhe si zgjidhje pyet Eralbin nëse duhet ti thotë Fatbardhit për të marrë një kredi, ku paratë dyshohet se nevojiten për ndërtimin e hidrocentralit.
Ai i shpreh edhe shqetësimin që platforma Sky ECC mund të përgjohet dhe tregon që ka patur dikë që e informonte po nuk i ka ardhur në takim dhe madje në një moment i kërkon të bëjë dhe kujdes pasi po përgjohet.
Tre ditë më pas në bisedën e 23 shtatorit 2020 në orën 19:57:28, Erzen Breçani (në sky i identifikuar me kodin K9B9EP) komunikon me Eralbin dhe e pyet nëse i ka bërë llogarit, ku lë të kuptohet që Eralbi do mbyllte llogari me dikë tjetër për të cilin Erzeni ka dijeni.
Erzeni i tregon se nevojiten 300 mijë Euro për këstin e turbinave, të cilat dyshohen se nevojiten për hidrocentralin, dhe këto para është me shpresë që do i gjejë Eralbi, pasi në një moment dërgon tekstin:
“Ishalla po i ban 300...o ishalla delni me sukses e mbyllni ket pun o zot e rrin i ëet ma se boll...nuk po më interesojn aq o bir po thuj atij te na bajn qet 300 kto dy tre dit...mir asht me i ba pa luanin e ervinin... ".
Vetë Erzeni i kërkon të birit ti gjej vetë paratë pa ia kërkuar këto kunatit, Ervin Matës, apo të atit të Ervinit, Luanit, i cili është dhe vjehrri i Eralbit. Eralbi është martuar me motrën e Ervin Matës.
Shtetasi Erzen Breçani dërgon mesazhet: “.... Ca bat si nuk ktheve pergjigje...A bat llogarit...Po si dulet...A kini noj kg pa e marue...Po kur a ka i ban cka tha...Ta dim se jam met pa pague sen...E kem me pague kestin e turbinave e tubat qe bajn te dyja rreth 300 mij euro...Ishalla po i bæn 300...O ishalla delni me sukses e mbyllni ket pun o zot e rrin i ëet ma se boll...Nuk po me interesojn aq o bir po thuj atij te na bajn qet 300 kto dy tre dit...Ban cka te duesh si ta mendosh ma mir...Mir asht me i ba pa luanin e ervinin...Cfar jan ky biznes...Po lekt tua kur ti japin apo i ka harrue...Biles per ket hall qe na ra ishte dasht me ti dhan... Po jan piramid krejt... Kurzr me miq mos punon mos ban biznes se nuk ec... Qysh e pat emnin qajy qe ta ka dhene kete placke n...Se nuk e majta men...A ka pas dijeni ky qe eshte mrena oer gjsnat e tuja qe i ke pas me ate shokun tend... Se po e pyet kush dhe zberthehet kollaj se ai flet dhum ky elio..." thuhet në dosje.
Koncesioni me afat 35 vite për ndërtimin e HEC Drita është dhënë më 12 korrik 2019 me vendim të Këshillit Kombëtar të Territorit ndërsa në vitin 2022 shoqërisë me administrator vëllain e Erzenit Ftabardh Breçani, i është pezulluar aktiviteti.
“Dyshohet se ka marrë para nga Eralbi Breçani të një sasie prej 350 mijë euro, me dashje dhe në dijeni të plotë që burojnë nga aktiviteti i jashtëligjshëm i trafikimit të narkotikëve dhe i ka injektuar në biznes duke ju shmagur raportimit në institucionet përkatës, element i rëndësishëm i veprës penale "... fitimit të pronësisë, posedimit ose përdorimit të pasurisë, duke e ditur në çastin e marrjes në dorëzim të saj, që kjo pasuri është produkt i veprës penale ose i veprimtarisë kriminale...." shkruhet në faqen 89 të vendimit të GJKKO-së të datës 17 nëntor 2023.
Po kështu Breçani akuzohet për ‘përkrahje të autorëve të krimit’ pasi i ka dhënë informacion Bujar Ajetit dhe Nuredin Dumanit që t’I shmangeshin arrestit. Me Bujar Ajetin I njohur si I forti i Kukësit dikur Erzen Breçani ka qenë me të në forcat RENEA, ndërsa Nuredin Dumanin duket që e ka njohur përmes Bujarit.
SPAK thotë se Erzen Breçani e dinte për aktivitetin e paligjshëm të trafikut të drogës me të cilën merrej djali i tij dhe i kërkon të tërhiqet
Po du me te than se tan kta ne shqiperi folin e thon djali erzenit ka bjen mall ka punon me drog se e njof mir bashkimin e shqiptart... Po du me than qe mos u merr me ta ma..
Më 23 nëntor GJKKO dha masën e sigurisë 'arrest me burg' për Erzen Breçanin, Dedan Gjonin dhe Bujar Gërmizi, si dhe Besmir Murati, i lidhur ngushtë me Gërmizin.
Erzen Breçani ishte në dijeni të aktivitetit të trafikut të kokainës të të birit Eralbi Breçani dhe shpesh herë madje si prind i tërheq vëmendje. Në një bisedë të zhvilluar 8 shtator të vitit 2020, Erzen Breçani i thotë të birit se pse nuk ka shkuar që të takojë të emën, e cila ka qenë edhe sëmurë, ndërsa njëkohësisht shfaq edhe dijeninë lidhur me aktivitetin që ushtron i biri për trafikun e drogës.
Në 8 shtator 2020 Erzen Breçani bisedon me Eralbi Breçanin, ku dërgon mesazhet:
"...Po ju a e gjet perzirsin...Se këta që pyta unë te Petriti thonë nuk kemi gjet, nuk dimë kush e fut… Ani mir boll...Se këtu mos me u marr me shit hiç, sidomos të përziem se për mall të keq e shesin tjetrin për dy parë…. Sa keni shit...Ku e keni shit... Ku je...Se jam ka due me dal...Po a nuk e takove Ujezën hic sot a...? Po e kie nanë, a kan s’mut e nuk e takove as dy minunta? A marre more... He i raft pika punve e drogave e tanave, se nuk di ç’ka u duhen kur t’shkojn nana e sëmut e mos me pa pesë minuta...".- thuhet në dosje.
Në një mesazh të 10 shtatorit 2020 Erzen Breçani përpiqet ta bindë të birin ta lërë këtë punë madje të largohet nga Mata pasi
"Askush që ka shit si ju me shuma të mëdhaja nuk ka pshtue po humb tanë pasuninë e familjes e familjen vetë"
SPAK thotë se Erzen Breçani e dinte për aktivitetin e paligjshëm të trafikut të drogës me të cilën merrej djali I tij. Madje në disa përgjime ai interesohet disa herë, ndërsa në një bisedë të datës 28 shtator 2020 i kërkon djalit të heqë dorë pasi e gjithë Shqipëria e kishte marrë vesh që ai kryente atë aktivitet të paligjshëm
Në një bisedë me SkyEcc Erzen Breçani i kujton djalit se kishte tre vjet që merrej me trafikun e drogës dhe i kërkon të heqë dorë pasi në Shqipëri kishte dalë zëri që djali i Erzenit merrej me mall.
Me datë 28.09.2020 në orën 20:23:28, Erzen Breçani (në sky I identifikuar me kodin K9B9EP) i dërgon këtë mesazh Eralbin (në sky I identifikuar me kodin S7DEGI)
"....kontrollova kutin se mos kan fut noj cipe kur ta marrresh ti te kspin me te...Nuk duhet me pas bes kuj ne shaipni...Mos ki bes kuj...Mos u shqiptar... Ghuj atij dhokut tan... Thuj... Po du me te than se tan kta ne shqiperi folin e thon djali erzenit ka bjen mall ka punon me drog se e njof mir bashkimin e shqiptart... Po du me than qe mos u merr me ta ma... Shqiperin mos e flliq mos e orish a si me te than asht ndryshe me ounie jash e ndryshe ktu...Bush nga meraku e kam...E duhet me te tregu kto gjana...Ke ba i premtim se nje vit do e provoj u bsn tre bush..."- thuhet në dosje.
Komente
Lajme të tjera
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
5 vite SPAK, Sula: Stekën e ka ngritur vetëm tek opozita, jo mazhoranca! Nesturi: Ata që flasin kundër, janë më të prekurit! Sefa: Ecuria duhet të ishte më e shpejtë
19 Dhjetor, 21:58 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
SPAK 5 vjeç, Altin Dumani: Misioni vazhdon! (Fjala e plotë)
19 Dhjetor, 15:32
Koncesionin e hecit e ka marr ne 2019 ama. Keta jane te gjith te lidhur.
Përgjigjufelliqesirat qe solli berishoviqi nga vocidoli ne vitet 90 e me tej shkatrruan e degjeneruan vendin , te gjith te mbledhen ne nje thes e ti degdisin me vite te tera ne qeli
PërgjigjuO ZEN DJALIT SKE CA I BA... SE ASH GJAKU YT.... PO AJETIN, PSE DEKONSPIROJE POLICIN CA BIZNESI KISHE ME TA QE U PERLYVE. STA KA PRISH REPUTACONIN CUNI. POR PRKRAHJA NDAJ NJE SUPER TAFIKANTI E VRASESI SI BUJARI. QE SKALO AS MIZA NE DOGENE E KUSIT PA LEJE TIJE....
PërgjigjuBush shkoi mrapa babës ene grupit.. Nuk lat gjo pa fut turinjt e pa vjedh,TEC,HEC,polici private,ndërttim,Drrog,sekser e çdo burim leku të pastër e të pisët ju keni fut turinjt e spo del pik për popllin,pjesën e mbetur. Donit të mernit çdo gjo vet ? Ishalla po ju paketojn të gjithve se shumica prej jush Spiun kan qen
PërgjigjuJa kush jan keta shpellarë qe nuk din as shqip qe behen biznesnemena e kan zaptu Tiranen Qr ketij e gjith te tjereve e kalbini ne burg e hiqjuani dhe kemishen e trupit Shkun sakatuan vajzen nga kembet ne mes te qytetit e nuk beri nji jav burg
Përgjigju