Po diskutoni për emër të ri Presidenti? PS: Meta është i shkarkuar nga Kuvendi por deri sa të shprehet Kushtetuesja është në detyrë

Teksa Kryeministri Edi Rama tha mbrëmë në intervistën për Report Tv se është i gatshëm sërish ta diskutojë me opozitën emrin e Presidentit të ri pas Metës, kryetari i Grupit Parlamentar socialist, Taulant Balla është shprehur sot se Ilir Meta është një President i shkarkuar nga Kuvendi por është në detyrë deri në vendimin e Gjykatës Kushtetuese.

"E para një herë Presidenti aktual i Republikës është shkarkuar me vendim të Kuvendit dhe Gjykata Kushtetuese është në afatet e veta për tu shprehur. Presidenti vazhdon të jetë në detyrë deri sa të kemi një vendim dhe është në respekt të vlerave kushtetuese që ne të mos shprehemi për këtë çështje", tha Balla në një prononcim për mediat nga Kryesia e Kuvendit.

I pyetur për 6 bashkitë që aktualisht që janë pa kryetarë, Balla e vuri theksin te ato që janë larguar prej dekriminalizimi.,

"Natyrshëm që PS ka kontribuar si forcë shumicë në Kuvendin e Shqipërisë për përmirësimin e kuadrit ligjor për të parandaluar që persona me të shkuar kriminale të hyjnë dhe të garojnë në zgjedhje. Përgjegjësia e atyre që kanë rezultuar të tillë është e tyre dhe jo e Partisë Socialiste. Të gjithë këta persona nuk kanë marrë mbrojtjen e PS-së asnjëherë", tha ai.

Kujtojmë se më 15 tetor, pas më shumë se 4 muajsh nga vendimi i Kuvendit për shkarkimin e Presidentit Ilir Meta në Gjykatën Kushtetuese vendosi që kalojë çështjen në seancë plenare, data e së cilës ende nuk është përcaktuar.

Më 9 qershor 2021, Kuvendi i Shqipërisë, deputetët kanë votuar në favor të shkarkimit të presidentit, Ilir Meta me 104 vota, duke thënë se ai ka kryer shkelje të rënda të Kushtetutës. Deputetët e Partisë Socialiste në pushtet ngritën këtë Komision Hetimor parlamentar, i cili gjeti 17 shkelje të Kushtetutës nga ana e presidentit.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet