POP 5

Lajmet më të lexuara të 5 minutave të fundit

Kronikë

Po fryn era e SPAK! 8 prokurorët takime konsultimi me OPDAT dhe ambasadën e SHBA

Zyrtarë të OPDAT dhe të Ambasadës Amerikanë zhvillojnë diskutime me trupën e parë të prokurorëve të SPAK-ut

Tetë prokurorët që kanë kaluar etapat e monitorimit dhe që janë zgjedhur për të qenë pjesë e strukturës së Prokurorisë Anti-Korrupsion, tashmë kanë filluar konsultimet me përfaqësues të Ambasadës Amerikane në Tiranë. Këto konsultime kanë ardhur gjatë takimeve të zhvilluara ditët e fundit, njëri prej të cilëve në qytetin e Pogradecit. Konsultimet me përfaqësues të misionit OPDAT dhe ekspertë juridikë të Ambasadës Amerikane janë kryer në kuadër të ngritjes nga fillimi të institucionit të Prokurorisë së Posaçme Antikorrupsion, e cila pritet të ngrihet zyrtarisht dhe me eficencë pune të plotë në fillim të muajit dhjetor 2019.

 Një burim pranë grupit të prokurorëve që tashmë janë zgjedhur si pjesë e grupit që do formojë SPAK, tha për “Shqiptarja.com” se takimet konsultative janë kryer në vazhdën e diskutimeve për krijimin e rregulloreve të brendshme por edhe për sa i përket kritereve të konkurrimit dhe përzgjedhjes së administratës publike që do shërbejë pranë prokurorisë antikorrupsion.

Në takime është diskutuar edhe për sa i përket fatit të Oficerëve të Policisë Gjyqësore që vazhdojnë të shërbejnë pranë Krimeve të Rënda, dhe rolin e tyre në disa hetime të rëndësishme që vijojnë të jenë në dinamikë e sipër.

Sigurisht që pjesë e këtyre diskutimeve ka qenë dhe dorëzimi i dosjeve penale që e gjithë trupa e prokurorëve të Krimeve të Rënda,ka aktualisht në hetim. Veç të tjerash një pjesë e madhe e këtyre dosjeve do ju kalohet prokurorive të rretheve.

Krijimi i takimeve konsultative mes prokurorëve dhe përfaqësues të ambasadës amerikane, tregon edhe një herë tjetër vendosmërinë e Shteteve të Bashkuara të Amerikës, për të çuar deri në fund reformën në Drejtësisë, ku pritet të aplikohen praktika hetimore me qëllim arrestimin e zyrtarëve të lartë të qeverisë por jo vetëm, të akuzuar për korrupsion dhe si të lidhur me krimin e organizuar. Këto takime tregojnë edhe një herë tjetër se nga dita në ditë, po jepen sinjale se në Shqipëri po fryn era e prokurorisë SPAK, e cila do të ketë rolin dhe mbështetjen kryesore në luftën kundër krimit të organizuar dhe korrupsionit në Shqipëri.

Momentalisht SPAK është e përbërë nga 8 prokurorë, ku pritet që në ditët në vijim t'i shtohen dhe dy prokurorë të tjerë, të cilët ka shumë gjasa do komandohen nga drejtuesi i prokurorëve, që do zgjidhet në krye të SPAK.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 12/11/2019 22:09

    Asgje nuk ka për tu bere , te gjitha jane filma!

    Përgjigju
    • Ehh: 13/11/2019 08:51

      Po dihet asgje, asnje ne burg e e politikanet bejne lufte se humbin fuqine, jo se do futen brenda

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça