POP 5

Lajmet më të lexuara të 5 minutave të fundit

Kronikë

VIDEO/Shkodër, bie në ‘Rrjetë’ grupi kriminal, 4 familjarët u kapën teksa po shkëmbenin vaj kanabisi, u kapen dhe armë (Emrat)

Policia e Shkodrës ka goditur një grup kriminal i cili ushtronte veprimtari kriminale në fushën e narkotikëve. Nga operacioni i koduar ‘Rrjeta’, policia ka vënë në pranga 4 pjesëtarë të grupit kriminal: Halis Uraj, 30 vjeç, banues në Shkodër, Mustafa Uraj 26 vjeç, Arjan Uraj, 36 vjeç dhe Mehmet Uraj, 72 vjeç të tre banues ne fshatin Mes, Shkodër

Policia e Shkodrës ka goditur një grup kriminal i cili ushtronte veprimtari kriminale në fushën e narkotikëve. Nga operacioni i koduar ‘Rrjeta’, policia ka vënë në pranga 4 pjesëtarë të grupit kriminal: Halis Uraj, 30 vjeç, banues në Shkodër, Mustafa Uraj 26 vjeç, Arjan Uraj, 36 vjeç dhe Mehmet Uraj, 72 vjeç të tre banues ne fshatin Mes, Shkodër.

Këta shtetas janë kapur gjatë operacionit, në Postribë, në momentin e shkëmbimit të lëndës narkotike.

Gjatë operacionit forcat policore gjetën dhe sekuestruan në cilësinë e provës materiale: 14 litra vaj hashashi; 65.6 gramë lëndë narkotike në formë çokollate; Një armë gjahu, një sasi fishekësh, një sasi parash, 6 aparate celulare dhe 1 automjet.

Nën drejtimin e Prokurorisë vijon puna për evidentimin dhe kapjen e personave të tjerë të përfshirë në këtë veprimtari kriminale.

Materialet iu referuan Prokurorisë së Rrethit Gjyqësor Shkodër, për veprat penale “Prodhimi dhe shitja e narkotikëve”, “Pastrimi i produkteve të veprës penale” dhe “Prodhimi dhe mbajtja pa leje e armëve të gjuetisë dhe sportive”.

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

19 Prill, 10:51