POP 5

Lajmet më të lexuara të 5 minutave të fundit

Kronikë

Transportonin emigrantë të paligjshëm kundrejt pagesës, kapen 5 persona në Fier, Gjirokastër dhe Lezhë

Në një kohë kur puna për parandalimin dhe “goditjen” e paligjshmërisë në vend vijon, 5 persona janë vënë në pranga pasi janë kapur nga policia duke transportuar emigrantë të paligjshëm kundrejt pagesës.

Në një kohë kur puna për parandalimin dhe “goditjen” e paligjshmërisë në vend vijon, 5 persona janë vënë në pranga pasi janë kapur nga policia duke transportuar emigrantë të paligjshëm kundrejt pagesës.

Rastet janë evidentuar në Fier, Lezhë dhe Gjirokastër, ndërsa numri total i emigrantëve të paligjshëm është 35.

Mandi Cano, 42 vjeç, u kap në aksin rrugor Tepelenë-Fier, duke transportuar me automjetin tip "Benz", 3 emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës.

Materialet do i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale, për veprën penale "Ndihma për kalim të paligjshëm të kufijve".

Rendit zhvillimet sipas orarit:
Ora 09:34
Po transportonin 13 emigrantë të paligjshëm, arrestohen 2 persona në Gjirokastër, sekuestrohen 2 automjete dhe aparate celularë

Goditet një tjetër rast i dhënies së ndihmës për kalimin e paligjshëm të kufirit, kundrejt pagesës.

Në aksin rrugor  Përmet-Tepelenë, në vendin e quajtur Ura e Dragotit, policia ka arrestuar 2 persona, Y. Ç., 52 vjeç dhe S. M., 49 vjeç, banues në Tepelenë, pasi me dy automjete të ndryshme, “Nissan” dhe “Benz”, janë kapur duke transportuar 13 emigrantë të paligjshëm nga vendet e treta, në drejtim të Tiranës, kundrejt fitimit.

Në cilësinë e provës materiale u sekuestruan dy automjet dhe 4 aparate celular. 

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

J.GJ./Shqiptarja.com

Ora 09:29
Po transportonin 19 emigrantë të paligjshëm, arrestohen 2 persona në Lezhë

Goditen 2 raste të dhënies ndihmë për kalim të paligjshëm të kufirit në Lezhë.

Policia bën me dije se ka arrestuar 2 persona duke transportuar 19 emigrantë të paligjshëm të cilëve iu kishin premtuar kalimin drejt vendeve të BE-së, kundrejt pagesës. 

"Shërbimet e Njësisë së Autostradës Milot-Morinë, në bashkëpunim me Komisariatin e Policisë Mirditë dhe strukturat e DVP Lezhë, në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, pas informacioneve të marra në rrugë policore se në  automjetet  tip “ Volvo” dhe "Ford" po transportoheshin emigrantë të paligjshëm drejt Kosovës, organizuan punën për lokalizimin dhe ndalimin e mjeteve. Si rezultat u bë arrestimi në flagrancë i shtetasve: -E. B., 26 vjeç dhe I.N., 33 vjeç, banues në Fushë Krujë", thotë policia.

Ata janë arrestuar në Skuraj, Kurbin, duke transportuar me automjetet  e tyre  “ Volvo ” dhe "Ford", 19  emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës. 

Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme procedurale, për veprën penale “Ndihma për kalim të paligjshëm të kufijve”, e kryer në bashkëpunim.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Vjen goli i 2 në 6 ditë, Muçi shkëlqen në Turqi! Mesazh për Besiktas dhe Sylvinhon (VIDEO)

Vjen goli i 2 në 6 ditë, Muçi shkëlqen në Turqi! Mesazh për Besiktas dhe Sylvinhon (VIDEO)

2 Nëntor, 18:10