TIRANË- Kryeministri Edi Rama ka zgjedhur që t'u japë një përgjigje të gjithë atyre që e kanë kritikuar për cilësinë e rrugëve që po ndërtohen nga qeveria e drejtuar prej tij!
Ai bën një krahasim me rrugët të disa prej vendeve të Europës, siç është Franca, Italia dhe Zvicra, duke vënë theksin se rrugët që po ndërtohen në Shqipëri nuk kanë as më shumë e as më pak se qytetet europiane.
Rama nuk ka lënë pa sjellë edhe në vëmendje kohën kur vendi drejtohej nga demokratët, për të cilët shprehet i bindur për 2 gjëra. Së pari se ajo qeveri ka bërë shumë më shumë tendera ka ndërtuar copa rrugësh duke i lënë më pas në mes dhe e dyta se kantieret e ndërtimit sot, siç thotë ai "kanë lezet".
Postimi i plotë i kryeministrit Edi Rama
Vijojnë punimet në rrugën "Ura e Mesit-Kala e Drishtit", Shkodër, një aks që lidh së bashku dy monumente të Trashëgimisë sonë Kulturore dhe është pjesë e Programit tonë Kombëtar të infrastrukturës në zonat rurale, ku jemi fokusuar tek akset me impakt të prekshëm në bujqësi e në turizëm, në funksion të rritjes ekonomike e punësimit në fshat.
Bashkëlidhur disa foto rrugësh rurale, në Itali, Francë e Zvicër, thjesht për të kthjelluar vështrimin e disa miqve në këtë faqe, që "çuditërisht" bëjnë sikur s'e kanë parë botën e tallen me këto "rrugë njëkalimshe", shajnë për "kthesat vdekjeprurëse", akuzojnë "për vjedhje asfalti", fyejnë inxhinierët, sipërmarrjet, punën e mijëra njerëzve, që edhe në këto ditë përvëluese janë duke punuar në kantieret anembanë vendit.
Të gjitha investimet tona publike, në këtë rast qoftë në rrugët kombëtare e qoftë në ato rurale, bazohen në standarte europiane sipas kategorive të tyre dhe kryhen mbi bazë projektesh e me një cilësi që s'ka të krahasuar me kohën e "rrugëve të lëna rrugëve"...
Miq të dashur, qofshi dashamirës a jo me këtë qeveri apo me mua, sinqerisht ju them, ka plot arsye për të kritikuar çdo qeveri dhe padyshim edhe këtë qeveri, por në rastin e rrugëve të Shqipërisë dy gjëra janë të padiskutueshme:
E para, qeveria e mëparshme hapi shumë fronte punësh nëpër Shqipëri, dmth bëri shumë e shumë tendera (pa buxhetin e nevojshëm) dhe preu shumë e shumë shirita, duke ndërtuar kudo nga një copë rrugë që pastaj u la rrugëve bashkë me një mal borxhesh ndaj kompanive! E vetmja rrugë ku u bë më shumë se një copë rrugë, ishte Rruga e Kombit, vepër vërtetë ambicioze, por që u la edhe ajo e papërfunduar ose më mirë, e cunguar dhe pa asnjë plan mirëmbajtjeje...
Të gjitha ato punë të nisura e të mbetura në rrugë, vazhduan më pas, me shumë vështirësi, jo vetëm financiare dhe këtu vjen e dyta: Projektet copë - copë dhe cilësia skandaloze e punimeve të bëra me ritmin e daulleve të inaugurimit, bënë që thuajse çdo projekt të rishikohej, e deri të bëhej nga e para, ndërsa kostoja e veprave të rritej deri edhe në trefish, siç ndodhi me Tiranë-Elbasanin, sa për një shembull se ka plot, ku s'kishte as studim gjeologjik e ku projekti ishte një paçavure e vërtetë, gjë që solli rrëshqitje masive, bllokime, riaplikime për financim e vonesa pafund...
Sa për rrugët rurale pastaj e kotë të flasim, shumica atyre të bëra asokohe janë bërë pluhur në pak vite dhe projektet tona, përgjithësisht, bëhen mirë e zbatohen mirë. Por patjetër që ka ende shumë për të përmirësuar nga ana jonë, pasi krahasimi me të kaluarën nuk na mjafton fare, ndërkohë që duam të matemi me standartet europiane dhe prandaj edhe ka plot për të kritikuar edhe sot. Po ama, kantieret e Shqipërisë tanimë kanë vërtetë lezet, kur sheh si projektohet, si punohet e si realizohet një projekt. Për këtë mjafton të duash të shohësh dhe nuk duhet ndonjë dashamirësi e madhe për të bërë dallimin si dita me natën. E ke inat po jepi hakun, thotë Populli.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15
Duhet te jemi realist, nuk eshte e lehte te ndryshosh Shqiperine, eshte punuar sigurisht dhe vjedhur. Shume gjera jane bere shume bukur. Nje pyetje qe kerkon pergjigje: Kure do te filloni ndertimin e banesave te prishura? Mos i mbani njerezit me rrena .Keni guxim e thoni te verteten.
PërgjigjuEdo hallall plako. Po rruget si I ka California qeveria jote dhe te gjitha qeverite e meparshme te behen bashke nuk bejne as edhe me te voglen freeway ketu. Po parkimet e Tirones do i rregullosh e I sistemosh apo hajt mo se ban ai milet.
PërgjigjuTe shohe aksin nga autostrada e durresit per rrogozhine ku tabelat tregojne dalje/kryqezim majtas ne mes te korsise nderkohe qe korsia eshte e mbyllur me bllok betoni.
Ti shume mire e ke, po sikunder u merr ketyre shteteve per model rruget rurale, merru per model dhe rruget nacionale, spitalet, adminstraten, pyjet e kryeqytet me hapesira te gjelbra. Merru per model pushtetin a vjedhje e lukuni zuzaresh te panginjur.
PërgjigjuUroj qe te kemi cdo vit zgjedhje meqe vetem vitin e fundit punohet.
Vazhdo punen e mos u merr me serbo-shpellaret e PD-LSI.
Përgjigju