Podgoricë,forcimi i vaksinimit,
mblidhen Ministrat e Europës Juglindore 
 

Ministrja e Shëndetësisë dhe Mbrojtes Sociale Ogerta Manastirliu po merr pjesë në takimin e Ministrave të Shëndetësisë të Evropës Juglindore, i cili po zhvillohet në Podgoricë, organizuar nga Organizata Botërore e Shëndetësisë.
Forcimi i bashkëpunimit rajonal dhe fuqizimi i sistemit të vaksinimit në vendet e Evropës Juglindore është në qendër të takimit të drejtuesve të Shëndetësisë të 11 vendeve të Evropës Juglindore me drejtoren e OBSH-së për Europën, Suzsanna Jakab.


(Gjatë takimit të Ministrave të Shëndetësisë të Evropës Juglindore, i mbajtur në Podgoricë)

“Shtrirja e programit të vaksinimit është në nivelin 97% në Shqipëri, duke arritur kriteret e përcaktuara bga OBSH. Megjithëse ky mbulim vaksinal është ndër më të lartët në Evropë, ne po punojmë për zgjerimin e programit të vaksinimit, me programin kombëtar që po ndërmarrim për kujdesin shëndetësor në komunitet, falë të cilit po vaksinohen kategori vulnerabël, si fëmijët e komunitetit rom”, tha Ministrja Manastirliu në takimin për vaksinimin që po zhvillohet në Podgoricë.

Sipas Ministres Manastirliu, nga rastet e fundit të shpërthimit të fruthit në vend, rezultojnë rreth 10 mijë të vaksinuar në nivel kombëtar, jashtë procesit rutinë.
“Ne garantojmë vaksinimin për 11 sëmundje të parandalueshme, por duhet të nxisim vaksinimin si një ndërhyrje me rëndësi në shëndetin publik, si një të mirë publike”, tha Manastirliu.

“Vendet e Europës Juglindore kanë bërë punë të lavdërueshme për luftën ndaj sëmundjeve të parandalueshme përmes vaksinimit por duhet punuar ende për të arritur objektivat për eleminimin e fruth-rubeolës”, u shpreh Suzsanna Jakab, drejtore e OBSH-së për Europën.
Vendet e Evropës Juglindore u angazhuan të përafojnë programin e tyre të vaksinimit me Planin e Veprimit për Vaksinimin të Evropës 2015 – 2020.


e.gj/Shqiptarja.com

TAG:
• fruthi