Një administrator i një firme private në Pogradec po procedohet penalisht, pasi akuzohet për veprën penale “Shkatërrim i rrugëve”. Është vënë në hetim administratori i firmës private që po kryen punimet e një Hidrocentrali në Velçan në Pogradec, ku është dëmtuar gjatë punimeve një segment rrugor i rrugës së vjetër “Egnatia”, me gjatësi 80 m.

Specialistët e Seksionit për Krimet në Komisariatin e Policisë Pogradec filluan procedimin penal në gjendje të lirë ndaj shtetasit E. K., 51 vjeç, banues në Tiranë.

Procedimi ndaj tij filloi pasi ky shtetas duke qenë me detyrë administrator i një shoqërie, e cila po kryhen punime për ndërtimin e një Hidrocentrali në Njësinë Administrative Velçan, (gjatë punimeve) ka dëmtuar një segment rrugor me gjatësi 80 m dhe gjerësi 1.5 m, e cila i përket rrugës së vjetër EGNATIA.

Materialet i kaluan Prokurorisë të Rrethit Gjyqësor Pogradec, për veprime të mëtejshme, neni 155 i Kodit Penal.

 

rruga egnatia pogradec

rruga egnatia pogradec
(Rruga 'Egnatia" e dëmtuar nga punimet e firmës)

Redaksia Online
D.Ç./Shqiptarja.com