Një 38-vjeçar është arrestuar pasi drejtonte makinën e tij tib “Benz” në gjendje  të dehur dhe nuk i është bindur urdhrit të policisë për të ndaluar.

Sipas njoftimit të policisë, në pranga ka përfunduar Klodjan Muço, 38 vjeç, banues në fshatin Mëmlisht.

Pas testit të alkoolit, Klodjan Muçu rezultoi se kishte konsumur sasi alkooli në masën e 0.83mg/l.

Njoftimi i plotë i policisë së  Pogradecit në lidhje me këtë ngjarje:

Drejton mjetin në gjendje të dehur dhe nuk i bindet urdhrit të punonjësve të Policisë për të ndaluar.Arrestohet në flagrancë nga Policia.

Specialistët e Seksionit për Policinë Rrugore në Pogradec, bënë kapjen dhe arrestimin në flagrancë të shtetasit :Klodjan Muço, 38 vjeç, banues në fshatin Mëmlisht-Pogradec.

Arrestimi i tij u bë pasi, më datë 02.11.2017 ky shtetas në Gur të Kuq-Pogradec, u kap nga shërbimet e Policisë, duke drejtuar mjetin tip “Benz” me targa AA 410 GR, në gjendje të dehur. Gjithashtu nuk iu është bindur punonjësve të Policisë për të ndaluar.Nga kryerja e testit me aparatin Dragger, ky shtetas rezultoi se kishte konsumuar alkool në masën 0.83 mg/l.

Materialet i kaluan Prokurorisë të Rrethit Gjyqësor Pogradec për veprat penale : “Mosbindja ndaj urdhrit të punonjësit të policisë së rendit publik” dhe “Drejtimi i automjeteve në mënyrë të parregullt” parashikuar nga nenet 242 e 291 të Kodit Penal.

Redaksia Online
N.M/Shqiptarja.com