VIDEO/ FNSH dhe RENEA 'blindojnë' Shkodrën! Arrestohet 43-vjeçari që terrorizoi banorët e Bardhajve, qëlloi me armë nga makina në lëvizje

SHKODËR- Forcat e policisë janë duke zhvilluar një aksion në rrugët e Shkodrës këtë mbrëmje në kuadër të planit operacional të policisë së Shtetit. Kontrollet po ushtrohen në mjete të dyshimta që lëvizin persona me precedentë penalë apo persona të shpallur në kërkim.

Blutë e shkodrës njoftojnë se gjatë kontrolleve u arrestua nga Policia e Shkodrës në bashkëpunim me FNSH e Shkodrës dhe RENEA, një 43-veçar pasi kishte terrorizuar banorët e zonës së Bardhajve në Komunën Rrethina, duke qëlluar më armë në ajër.

Në pranga ra Balil Murataj, i cili në gjendje të dehur siç denoncuan banorët, kishte qëlluar në ajër nga një makinë në ecje gjatë gjithë pasdites.

Pas sinjalizimeve nga banorët e zonës, Policia e Shkodrës bëri arrestimin e tij dhe në mbështetje shkuan edhe forcat RENEA, të cilat mundën ta neutralizojnë.

"Nga verifikimet rezultoi se 43-vjeçari kishte qëlluar me armë zjarri, në ajër, duke terrorizuar banorët. Në ndihmë të Policisë lokale shkuan dhe dy grupe të RENEA-s.  Si rezultat i kontrolleve në territorin e fshatit, pas disa orësh, u kap Balil Murataj që kishte qëlluar në ajër, me armë zjarri", njofton mbrëmjen e sotme (25 tetor 2023)  policia.

Gjatë kontrollit fizik, këtij shtetasi i është gjetur një sasi municioni luftarak, që u sekuestrua në cilësinë e provës materiale, bashkë me armën e zjarrit automatik që ai e kishte fshehur në pyll sapo ka parë që ishte rrethuar nga shërbimet e Policisë.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Rendit zhvillimet sipas orarit:

Të Fundit Të Parat

M.Q./S.G/Shqiptarja.com

TAG:
• Balil Murataj
• Shkoder
• Policia e Shkodrës