Policia e Shtetit finalizoi sot me sukses implementimin e sistemit bashkëkohor EVOFINDER, një projekt ndërkombëtar që synon identifikimin dhe gjurmimin e armëve të zjarrit, për rritjen e cilësisë së ekzaminimit të provave balistike të gjetura në vendngjarje, për ruajtjen e administrimin e tyre, si dhe për marrjen e përgjigjeve. Ky projekt u finalizua me asistencën e Ministrisë së Brendshme franceze dhe Policisë së Francës. Në kuadër të implementimit të këtij sistemit, disa punonjës policie u trajnuan nga homologët e tyre francezë, me qëllim përdorimin sa më efikas dhe profesional të sistemit EVOFINDER.
Për këtë u zhvillua një takim finalizues i projektit, ku mori pjesë Ambasadorja e Francës në Shqipëri, Elisabeth Barsacq, Zv/ministri i Brendshëm Besfort Lamallari, Drejtori i Përgjithshëm i Policisë së Shtetit Muhamet Rrumbullaku dhe drejtues të tjerë të lartë të Policisë së Shtetit.
Rrumbullaku falënderoi ambasadoren për ndihmën dhe mbështetjen, për rritjen e cilësisë së punës së Policisë Shkencore. Sipas Rrumbullakut, zbardhja e ngjarjeve kriminale të ndodhura më parë dhe dokumentimi i plotë i tyre bazuar në prova shkencore, mbeten prioritete kryesore të punës së Policisë së Shtetit, e cila tashmë i përmbush detyrat e saj funksionale, e asistuar nga pajisjet e fjalës së fundit të teknologjisë. Ambasadorja, Barsacq siguroi ktryepolicin për mbështetjen e policisë franceze, për përmirësim dhe rritje të kapaciteteve të policisë në luftën kundër krimit të organizuar, kibernetike dhe terrorizmit.
Zv/ministri i Brendshëm Besfort Lamallari gjithashtu, shprehu vlerësimin dhe mirënjohjen e tij për realizimin e kësaj marrëveshjeje të nënshkruar midis dy ministrive, marrëveshje e cila u konkretizua me implementimin e sistemit të teknologjisë së avancuar EVOFINDER, çka tregon edhe një herë tjetër, mbështetjen dhe besueshmërinë që Policia e Shtetit merr përditë e më shumë, nga partnerët dhe agjencitë ligjzbatuese ndërkombëtare. Kjo besueshmëri përkthehet më pas, në operacione të përbashkëta, për të përmbushur qëllimin madhor, luftën pa kompromis ndaj krimit.
Por çfarë është dhe si funksionon EVOFINDER?
I quajtur ndryshe si Sistemi i Identifikimit të Automatizuar të Balistikës, i prodhuar nga ScannBi Technology, është një pajisje skanimi që kap imazhe dixhitale 2D dhe 3D të plumbave dhe kutive të fishekëve për t'i ruajtur në një bazë të dhënash me qëllim krahasimin dhe përputhjen. Për të skanuar, përpunuar dhe ruajtur imazhe dixhitale 2D dhe 3D me cilësi të lartë të një sipërfaqeje të plotë ose të fragmentuar të një plumbi, duke përfshirë ato të deformuara fort, dhe çdo sipërfaqe të poshtme ose anësore të kutisë së fishekut. Për të krijuar një bazë të dhënash të plumbave të shpenzuar dhe imazhet e fishekut dhe për të mbajtur në një rrjet të vetëm informacioni. Të kryejë identifikimin automatik të objektit në shqyrtim midis objekteve në bazën e të dhënave dhe t'u sigurojë ekspertëve një "listë të përafërt" të objekteve të ngjashme.
Shërben për të parë sipërfaqen e një objekti të skanuar në monitor dhe për të kryer fokusimin manual ose automatik, ndryshimin e drejtimitë të dritës, etj. Për të kujtuar imazhet e ruajtura më parë në shkallën e dhënë, lëviz imazhet në mënyrë të pavarur dhe rreshton ato me synim identifikimin përmes krahasimit. Sistemi printon imazhe dhe raporte për t'u përfaqësuar në gjykatë. Teknologjia EVOFINDER përfshin ndriçim të shumëanshëm, ndriçim të veçantë me 2 anë për plumbat dhe ndriçim të veçantë me katër anë për gëzhojat. Sistemi është i lehtë për t'u përdorur, me një kasetë universale të ndashme dhe të rregullueshme për të mbajtur plumbat dhe kutitë e fishekëve. Pasi të jetë ngarkuar objekti, kaseta futet në EVOFINDER për skanim, dhe procesi zgjat afërsisht 2 deri në 3 minuta.
Procesi i montimit të plumbit
Hapat e procesit të skanimit
Pamje e plumbave në EVOFINDER
Lajme të tjera
-
Flakadanët në fushë dhe Mala në spitalin e Lushnjës, policia procedon dy tifozët e 'Tirona Fanatics'
31 Tetor, 12:18 -
Gara për Drejtor të Drejtorive Vendore të Policisë! ja lista me 43 kandidatë (EMRAT)
30 Tetor, 14:33
-
Kryepolici Proda pret ambasadorin Fabrizio Bucci: Bashkëpunim i ngushtë me autoritetet italiane për të luftuar krimin
29 Tetor, 16:24 -
Mbyllet sot gara për drejtues policie në qarqe! Deri në mesditë 30 kandidatura
29 Tetor, 14:42 -
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
FSK mbyll trajnimin dy-vjeçar nga Gjermania, Proda: Policia shqiptare partnere e besueshme dhe e barabartë! Hauto: Mbështetja me teknologji dhe ekspertizë do vazhdojë
24 Tetor, 15:21 -
Tedi Blushi: Terroristi Dumani dhe kryebanditi Rama rrëmbyen Ilir Metën! Kallëzim penal, makinat që përdori policia, të bandave në Durrës
22 Tetor, 15:16 -
Kryepolici Proda takon kreun e SPAK, Dumani: Bashkëpunimi ynë në stad tjetër, rrisim besueshmërisë mes palëve! Luftë krimit të organizuar dhe korrupsionit
22 Tetor, 10:35 -
Arrestimi me forcë i Ilir Metës, reagon ministri i Brendshëm, Ervin Hoxha: Ishte i pashmangshëm, kundërshtoi me forcë shoqërimin! U krye detyra, pikë
22 Tetor, 08:12 -
Hapet gara për pozicionet vakante të 12 drejtuesve policorë të qarqeve, kandidatët kanë afat deri më 29 tetor për të aplikuar
21 Tetor, 12:34 -
Kush i prishi kioskat në Tiranë? Esencë-Report Tv
20 Tetor, 21:30
-
Akuzohet për lidhje me grup kriminal në Durrës, arrestohet ish-deputeti i PS, Jurgis Çyrbja! Doli në Sky ECC, 3 akuza, mes tyre tregtimi i sekretit shtetëror (VIDEO)
20 Tetor, 19:08
