Policia, EULEX dhe KFOR të gatshëm
për sigurimin e procesit zgjedho

PRISHTINE - Masat e sigurisë të parashikuara me rastin e balotazhit në zgjedhjet për kryetarë të komunave në gjithë Kosovën të dielën, me 1 dhjetor, janë planifikuar, përgatitur dhe koordinuar me kujdes nga Policia e Kosovës, EULEX-I dhe KFOR-i.

Kujdes i veçantë do t’i kushtohet veriut në rrethin e dytë të votimit për kryetar komune në veri të Mitrovicës dhe rivotimit të pjesshëm në Zveçan.
 
Policia e Kosovës, si intervenues i parë do të jetë e pranishme jashtë qendrave të votimit dhe pikave tjetra kyçe, e përkrahur dukshëm nga EULEX-i, si intervenues i dytë. KFOR-i, si intervenues i tretë, do të jetë i dukshëm afër qendrave të votimit dhe do të vendosë trupa të përqendruar në veri.
 
KFOR-i ka aftësinë për të dërguar trupa në çdo pjesë të Kosovës, në mënyrë që të përkrahë Policinë e Kosovës që të sigurojë një mjedis të qetë dhe të sigurt, thotë kumtesa nga EULEX.

Si në raundet e mëparshme, operacioni në veri është projektuar për të garantuar të drejtën e njerëzve për të votuar, dhe që procesi i votimit të zhvillohet në mënyrë paqësore dhe të rregullt, shkruan Koha.
 
Policia e Kosovës, EULEX-i dhe KFOR-i janë përgatitur që të intervenojnë menjëherë nëse kërcënohet procesi zgjedhor apo rrezikohet qetësia dhe siguria e votuesve, anëtarëve të komisioneve zgjedhore, lehtësuesve të OSBE-së apo vëzhguesve.
 
Redaksia online
(ac/shqiptarja.com)

TAG:
• OSBE