Policia gjermane i ka larguar të martën protestuesit propalestinezë nga kampusi i Universitetit të Berlinit “Freie”, të cilët po bënin thirrje për ndaljen e luftës së Izraelit në Rripin e Gazës.
Rreth 100 studentë i kishin vendosur dhjetëra tenda në kampusin e universitetit të martën, duke iu bashkuar thirrjeve të të ashtuquajturit “Koalicioni Studentor i Berlinit” për pushtimin e universiteteve gjermane.
Studentët nga universiteteve të ndryshme të Berlinit iu bashkuan protestës, duke bartur flamuj palestinezë, si dhe duke brohoritur në mbështetje të palestinezëve dhe duke i dënuar Izraelin dhe Gjermaninë.
Universiteti “Freie” tha se protestuesit u përpoqën të futeshin brenda sallave dhe dhoma të universitetit, në përpjekje për t’i uzurpuar ato.
Si pasojë, universiteti tha se ka bërë kallëzime penale kundër protestuesve dhe se i ka pezulluar ligjëratat në disa ndërtesa.
“Është e papranueshme ta uzurposh pronën e universitetit. Ne e mirëpresim dialogun dhe debatin akademik – por jo në këtë mënyrë”, tha Guenter Ziegler, president i Universitetit të Berlinit “Freie”.
Protestat studentore kundër luftës dhe kundër marrëdhënieve akademike me Izraelin, kanë filluar të përhapen nëpër Evropë, por kanë ngelur shumë më të vogla krahasuar me ato në Shtetet e Bashkuara së fundmi.
Studentët po protestojnë kundër luftës së Izraelit në Rripin e Gazës, e cila nisi pasi Hamasi – grupi i shpallur organizatë terroriste nga Shtetet e Bashkuara dhe Bashkimi Evropian – e sulmoi Izraelin më 7 tetor, duke i vrarë 1.200 njerëz.
Më shumë se 34.000 palestinezë janë vrarë në Gazë prej atëherë si rrjedhojë, sipas Ministrisë së Shëndetësisë në enklavën palestineze.
Më shumë se 25 automjete policore e rrethuan kampusin e Universitetit të Berlinit të martën, dhe Policia tha se e pastroi zonën me kërkesë të menaxhmentit të universitetit, pasi protesta nuk ishte regjistruar paraprakisht./ REL
Lajme të tjera
-
Netanyahu: Trupat izraelite do të kontrollojnë një zonë neutrale brenda Sirisë për një periudhë të pacaktuar
17 Dhjetor, 21:29 -
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Gjermania që ne njihnim është zhdukur
17 Dhjetor, 20:53
-
Reuters: Netanyahu drejt Kairos për armëpushimin në Gaza
17 Dhjetor, 17:20 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Nderohet Franz Beckenbauer, Superkupa e Gjermanisë merr emrin e tij
16 Dhjetor, 22:15 -
Scholz humbet votëbesimin, Gjermania shkon në zgjedhje të parakohshme
16 Dhjetor, 16:51 -
VIDEO/ Bomba izraelite në Siri shkakton tërmet
16 Dhjetor, 16:06 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
Izraeli bombardon në Gaza, 20 të vdekur në shkollën e Khan Younis, mes tyre fëmijë! Vritet dhe kameramani i ‘Al Jazeera’, IDF: Ishte anëtar i Xhihadit Islamik
16 Dhjetor, 08:21 -
Skandal me futbollistin e Dortmund, babai i tij zbulon moshën reale: Mora certifikatë false
15 Dhjetor, 21:00 -
Qeveria izraelite miraton plan për zgjerimin e vendbanimeve në Lartësitë Golan
15 Dhjetor, 19:43
