Policia hyn në fshatin Lazarat
Banorët qëllojnë, 5 në pranga
Policia e Shtetit ka ndërhyrë sot për herë të parë në fshatin e Lazaratit, i njohur për prodhimin e marijuanës. Forcat e rendit janë sulmuar nga dy fuoristrada me rreth 8 persona në bord, të cilët kanë qëlluar në ajër shumë pranë vendit ku gjendeshin policët.
GJIROKASTER - Policia e Shtetit ka ndërhyrë sot për herë të parë në fshatin e Lazaratit, i njohur për prodhimin e marijuanës. Gjatë këtij aksioni, forcat e rendit janë sulmuar nga dy fuoristrada me rreth 8 persona në bord, të cilët kanë qëlluar në ajër shumë pranë vendit ku gjendeshin policët. Burime nga policia bëjnë të ditur se ata tashmë janë identifikuar. Aksioni, i nisur në orët e para të ditës së sotme, përfundoi rreth orës 10 të mëngjesit.
Rreth 35-49 forca të policisë arritën të asgjësonin mbi pesë mijë rrënjë kanabis, ndonëse u përballën me një situatë të vështirë.
Pavarësisht nga breshëritë e shumta të armëve automatike që u dëgjuan, nuk ka të dhëna për të plagosur apo të dëmtuar.
Në aksionin e parë në Lazarat të policisë marrin pjesë forcat RENEA, DELTA FORCE, FNSH Fier dhe forcat e policisë së Gjirokastrës.
Aksioni i policisë në Lazarat për asgjësimin e kanabisit u udhëhoq nga zv. drejtori i Policisë së Shtetit, Muhamet Rrumbullaku, dhe drejtori i Policisë së Gjirokastrës, Halit Murataj.
Mësohet se janë shoqëruar në komisariat 5 punëtorë që u gjetën duke vaditur parcelat me kanabis.
Para afro një muaji policia nisi një monitorim të jashtëm të Lazaratit. Policia ka ndaluar me qindra banorë të fshatrave përreth që shkonin në Lazarat për sezonin e mbjelljes së kanabisit. Rreth 90 mëditës që kërkonin të shkonin për të punuar në territoret e gatshme për t’u mbjellë me kanabis janë ndaluar 3 ditë më parë. Në fakt janë ditët e fundit ku mundësohet mbjellja e bimës narkotike në pjesët pjellore të fshatit pasi me kalimin e ditëve, mbjellja e kanabisit, nuk mundësohet pasi konsiderohet jashtë kritereve të motit.
Pjesa më e madhe e mëditësve, gjendeshin në bordet e pesë furgonëve që përshkojnë destinacionin Lazarat-Gjirokastër-Lazarat. Të gjitha deklarimet e mëtitësve për Policinë e Gjirokastrës, janë baza për nisjen e procedimeve penale ndaj atyre individëve që rezultojnë se janë kultivues të kanabisit në Lazarat.
BURGAJ: JA TE ARRESTUARITDrejtori i Përgjithshëm i Policisë, Hysni Burgaj, gjatë një konference për shtyp zhvilluar në orët e para të pasdites, tregoi se gjatë operacionit u asgjësuan 5 mijë bimë të llojit kanabis si dhe u krye arrestimi në flagrancë i pesë shtetasve “të cilët u kapën duke punuar në parcelat e mbjella me bimë narkotike”.
Ata janë:
- Mico Thanas Kuro, vjeç 29, lindur dhe banues ne Lazarat,
- Aurel Lufti Huso, vjeç 28, lindur dhe banues në Lazarat,
- Erion Mersin Ajdini, lindur dhe banues në Tepelenë, që të tre pronarë të parcelave të ndryshme me bimë narkotike,
- Gentian Besnik Halili, vjeç 19, lindur dhe banues në Kukës
-Agron Luan Blloshmi, vjeç 25 lindur dhe banues në Librazhd
Ata akuzohen për veprën penale “Kultivim të bimëve narkotike” parashikuar nga neni 284 i Kodit Penal.
Burgaj saktësoi se në operacion u angazhuan rreth 200 forca të reparteve të ndryshme.
(im/p.n./r.d./shqiptarja.com)
Sondazhi i ditës:
Si i vlerësoni mesazhet që dha Rama në takimin me diasporën në Athinë?
-
Të drejta
85.8%
-
Të gabuara
9.1%
-
Nuk e di
5.1%
Vota total: 486
Lajme të tjera
-
Merr flakë kabina elektrike në Lazarat, gjysma e fshatit pa energji elektrike
11 Dhjetor 2022, 09:42
-
Berisha akuza ndaj Ramës dhe Tahirit për krime lufte në Lazarat, harron policin e vrarë: Do ngrihen grupe hetimi, të gjithë do ndëshkohen
10 Tetor 2022, 12:46
-
Kultivonte kanabis në Lazarat, arrestohet 34-vjeçari pasi iu gjetën bimë të njoma e të thara në oborrin e banesës
25 Gusht 2022, 09:01
-
U kap me thikë e kokainë me vete, arrestohet 38-vjeçari në Fier! Ishte pjesë e grupit që qëlloi me armë policinë në aksionin anti-kanabis në 2014 në Lazarat
12 Korrik 2022, 09:49
-
Gjirokastër/ Mbetje spitalore mbushin lumin Drinos pranë Lazaratit, banorët ngrenë alarmin! Pas publikimit të lajmit në Report Tv njoftohet policia
17 Qershor 2022, 09:58
-
Do të ndërtonte një ‘shtëpi bari’, arrestohet 62-vjeçari në Lazarat! Në banesë i gjenden armë dhe pajisje për kultivim kanabisi
10 Shkurt 2022, 09:00
-
Lazarati në Gjirokastër, 1 vit pa urë! 4 mijë banorë të ndarë nga 2 lumenj me tokat e tyre: U mbytën 2 elektricistë
17 Janar 2022, 15:35
-
Lazarat/ Përroi i Sopotit ka dalë nga shtrati, bllokohet rruga me inerte! Autoritetet lokale po ndërhyjnë për pastrimin e aksit (Video)
26 Dhjetor 2021, 13:14
-
Merr flakë në ecje një automjet në Lazarat, mjeti shkrumbohet tërësisht (VIDEO)
14 Nëntor 2021, 15:36
-
Shiti 2 ton duhan të grirë pa e deklaruar, shpallet në kërkim 50-vjeçari administratori i një magazine në Gjirokastër
5 Nëntor 2021, 12:15
-
I dënuar me 12 vite burg, ndahet nga jeta Gate Mahmutaj, ish kreu i grupit kriminal në Lazarat! U arrestua në super operacionin e policisë të vitit 2014
20 Tetor 2021, 11:55
-
Mero Baze: Fyerja reale që i bëjnë Lazaratit
24 Gusht 2021, 19:59