POP 5

Lajmet më të lexuara të 5 minutave të fundit

Kronikë

Policia dhe SPAK 'në sitë' kontejnerët e 'Alba Exotic Fruit'! Sërish nuk gjenden vetëm banane, por kapen 6.5 kg të tjera kokainë! E treta herë që zbulohet me drogë

'Alba Exotic Fruit' kapet serish me kokainë në Portin e Durrësit. 6.5 kg të tjera kokainë i janë kapur nga kontejnerët që vijnë me banane nga amerikane latine. Më 13 korrik iu kapen 11 kg e 650 gramë kokainë ndërkohë që rezulton e përmendur edhe në vitin 2019, kur në kontejnerët e kësaj kompanie, në Pire të Greqisë u gjetën 137 kg kokainë që u zëvendësua me oriz me GPS nga autoritetet.

'Alba Exotic Fruit' kapet serish me kokainë në Portin e Durrësit. 6.5 kg të tjera kokainë i janë kapur nga kontejnerët që vijnë me banane nga amerikane latine. "Alba Exotic fruit" është kompania që kishte porositur sasinë e bananeve nga Ekuadori, në kontejnerin e së cilës u gjet 11 kg e 650 gram kokainë 10 ditë më parë. 

Kompania  'Alba Exotic Fruit' rezulton e përmendur edhe më parë në 'histori' me trafik droge, ku në vitin 2019, në kontejnerët e kësaj kompanie, në Pire të Greqisë u gjetën 137 kg kokainë që u zëvendësua me oriz me GPS nga autoritetet. Kjo kompani është me seli në Kombinat, Tiranë, dhe operon në treg që nga viti 2011, ndërsa pronarë të saj janë Eduart Dauti dhe Barjon Gumeni.

Për kapjen e 11 kg e 650 gramëve 10 ditë më parë Barjon Gumeni është lënë në burg më 16 korrik nga Gjykata e Shkallës së Parë Durrës, ndërkohë që Prokuroria e Durrësit shpalli moskometencë për çështjen. Gumeni nuk ka pranuar akuzat, duke mohuar përfshirjen e tij në trafikun e drogës, ndërsa ka thënë se nuk ka patur dijeni për sasinë e kokainës që u gjet në kontejner. Ai është edhe aksioner në kompani, ku zotëron 10% të aksioneve, ndërsa 90% janë në zotërim të Eduart Dautit, i cili është shpallur në kërkim.

Në detajet e operacionit të sotëm, Policia e Durrësit bën me dije se aksioni u krye në vijim të operacioni policor të koduar "Rada", për goditjen e veprimtarisë kriminale në fushën trafikimit të lëndëve narkotike. Sipas uniformave blu Task Forca permanente që vepron në Portin e Durrësit ka ushtruar kontroll të imtësishëm në 10 kontenierë për llogari të kompanisë 'Alba Exotic Fruit' , ku si rezultat i kontrollit të imtësishëm, në një nga kontenierët u gjetën dhe u sekuestruan 6.5 kilogramë lëndë narkotike e dyshuar kokainë. Në port ka pasur 10 kontejnerë për të tërhequr kompania dhe askush nuk ka shkuar. Policia i ka kontrolluar  të dhjetë dhe në 2 prej tyre është gjetur kokaina, në një rast 11.650 kg dhe në rastin e dytë 6.5 kg.

Task Forca permanente që operon në Portin e Durrësit vijon veprimet hetimore, nën drejtimin e një grupi të posaçëm prokurorësh të Prokurorisë së Rrethit Gjyqësor Durrës dhe të SPAK-ut.

 

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/07/2021 21:50

    Ne historine e trafiqeve te kesaj firme me pare eshte hetuar dhe Gentian Malindi.Dy shoket e tij jane ne burg,kurse kete e rregulloi babai Malindi Sr.Gjasme pse u arratis e nuk eshte kapur akoma,veprimet ligjore kunder tij u pezulluan.Dhe duket qe Malindi Jr. me shoke vazhdojne t'i mbajne ne arrati, nga distanca, <<kontratat e biznesit>> me /Alba Exotic Fruit/.

    Përgjigju
  • Gjemo parate: 23/07/2021 18:15

    Ti sekuestrohen pronat dhe te ndiqen lidhjet dhe nese jane investitore ne tirane me ndertime. Gjithe keto ndertime ne tirane. Ne durres kapet droge ne Shkoder Euro dhe daline ethone ka kerkesa per apartaemnte dhe kulla. Kot jane para qe vijne nga aktivitet i palgjishem. LAli Eri i ka be lejet e pallateve si bllok tollonash. Po te ndiqen parate e ndertuseve dalin te gjitha lidhjet e droges skane pse kontrollojne vetem pikat kufitare.

    Përgjigju
  • Kontejneri: 23/07/2021 17:41

    E pa mundur...keta qe kan bo keto miljona euro i kan bo vetem me banane

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Riatdhesimi i shqiptarëve nga Siria, Hasani: Puna vijon, kemi plane konkrete me ministrin Hoxha

Riatdhesimi i shqiptarëve nga Siria, Hasani: Puna vijon, kemi plane konkrete me ministrin Hoxha

27 Dhjetor, 11:29