Policia kontrolle në rrugë me kamera e radarë, arrestohen 13 shoferë! Pezullohen 77 patenta (VIDEO)

13 shoferë janë arrestuar në 48 orët e fundit, pas kontrolleve në rrugë nga policia rrugore me kamera radarë e alkool-testuese.

Me një njoftim për mediat, policia bën me dije se 10 shoferë janë arrestuar për drejtim mjeti në gjendje të dehur, 2 për drejtim mjeti pa leje dhe një shkelje të rregullave të qarkullimit rrugor.

Po ashtu janë pezulluar 77 leje drejtimi, nga të cilat 64 për shpejtësi mbi normat e lejuara dhe 13 për drejtim mjeti nën efektin e alkoolit.

Janë vendosur edhe 2012 masa administrative për shkelje që janë burim aksidentesh.

Njoftimi i plotë i Policisë:

Drejtoria e Policisë Rrugore

Vijojnë kontrollet dhe monitorimi i qarkullimit të automjeteve, duke përdorur mjete të pauniformuara, kamera, radarë e alkooltestues.

Më qëllim parandalimin e aksidenteve rrugore, Njësia Operacionale e Drejtorisë së Policisë Rrugore, në bashkëpunim me Komisariatin e Policisë Rrugore në DVP Tiranë dhe me Sektorët e Policisë Rrugore në 11 Drejtoritë Vendore të Policisë, ka intensifikuar kontrollet, duke përdorur mjetet e pauniformuara, kamera të vendosura në automjete, radarë, alkooltestues dhe dronë, në të gjitha akset rrugore kombëtare dhe rrugë të tjera të evidentuara si njolla të zeza për shkak të ngjarjeve rrugore me pasoja të ndodhura më parë.

Gjatë 48 orëve të fundit, në të gjithë vendin janë arrestuar 13 drejtues mjetesh, 10 prej tyre për drejtim mjeti në gjendje të dehur, 2 për drejtim mjeti pa leje drejtimi dhe 1 për shkelje të rregullave të qarkullimit rrugor.

Janë pezulluar 77 leje drejtimi, nga të cilat 64 për shpejtësi mbi normat e lejuara dhe 13 për drejtim mjeti nën efektin e alkoolit.

Gjithashtu janë vendosur 2012 masa administrative për shkelje që janë burim për përfshirje në ngjarje rrugore, të ndara si më poshtë:

556 masa administrative për parakalime të gabuara.

511 masa për përdorim të celularit gjatë drejtimit të automjetit.

419 masa për shpejtësi mbi normat e lejuara.

312 masa për mospërdorimin e rripit të sigurimit.

187 masa për mosvendosjen e kaskës mbrojtëse.

27 masa për shkelje të semaforit.

Policia Rrugore apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të respektojnë rregullat e qarkullimit rrugorsi dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albanezi: 23/03/2021 19:40

    I keni bllokuar mesazhet ju te shqiptarja.com?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!