Policia e Shtetit u ka përcjellë një porosi efektivëve të vendosur përpara Kryeministrisë për mbarëvatjtjen e protestës, që të kenë kujdes kur të mbarojë fjalimin Lulzim Basha. Kryetari i PD do ngjitet i fundit në podiumin e ngritur në Bulevardin "Dëshmorët e Kombit". 

Kur pritet të mbyllet edhe protesta e PD, oficerëve u është dhënë urdhër që të mos ndërhyjnë dhe të shmangin provokimet. Mësohet se protestuesit e PD, në fund të protestës, do tentojnë të vendosin banderolat me fotot ironizuese për Ramën, ish-ministrin Tahiri, Habilajn e Balilin dhe ish-deputetëve Frroku e Ndoka, përpara Kryeministrisë. 

Urdhëri për policinë është i prerë që të mos ndërhyjnë pa urdhër dhe të shmangin incidentet me mbështetësit e PD dhe LSI gjatë shpërndarjes së protestës. 

Redaksia Online
l.q/Shqiptarja.com