Një 32-vjeçar nga Hasi ka kundërshtuar me dhunë punonjësit e policisë dhe  është vënë në pranga. Sipas njoftimit të policisë së Krujës gjatë kontrollit të bërë ndaj 32-vjeçarit  ka rezultuar se nuk kishte autorizim për të lëvizur dhe pas kundërshtimit të forcave blu është bërë dhe arrestimi.

"Personi me inicialet G. S, banues në Has, nuk ishte i pajisur as me autorizim, as me dokument identifikimi dhe gjatë shoqërimit për në ambientet e Policisë për të verifikuar gjeneralitetet, ka kundërshtuar me dhunë punonjësit e Policisë. Në përfundim të veprimeve u bë arrestimi në flagrancë i 32-vjeçarit, i cili pretendonte se kishte ardhur te disa njerëz të tij. Materialet i kaluan Prokurorisë së Rrethit Gjyqësor Krujë, për veprime të mëtejshme", njofton policia.