POP 5

Lajmet më të lexuara të 5 minutave të fundit

Kronikë

Policia në rrugë, bien aksidentet në muajin korrik! 16 ngjarje më pak se vitin e kaluar

Prezenca e policisë në rrugë duket se ka ndikuar në uljen e aksidenteve gjatë muajit korrik, ku janë regjistruar 16 ngjarje më pak në rrugë krahasuar me të njëjtën periudhë të një viti më parë. Po ashtu, ka pasur edhe më pak viktima.

Prania e Policisë Rrugore në akset kyçe në të gjithë vendin duket se ka sjell ulje të përplasjeve rrugore për muajin korrik të këtij viti. E krahasuar me të njëjtën periudhë të një viti më parë, është një i vdekur më tepër në 2020-ën, por raporti është negativ përsa i përket shtatë muajve të vitit 2021 që janë regjistruar më shumë viktima se në të njëjtën periudhë të një viti më parë.

Sipas Institutit të Statistikave, në muajin korrik u regjistruan 114 aksidente rrugore nga 130 të tilla në korrik të vitit 2020, duke u ulur me 12,3 %. Këtë korrik pati 13 viktima në rrugë, një më pak se korriku i 2020-ës. Përsa i përket të plagosurve, korriku i këtij viti ka sjell 8 të plagosur më tepër, përkatësisht 162 të plagosur në korrik 2021 dhe 154 në korrik 2020. Shkaktarë të aksidenteve vazhdojnë të jenë moshat e reja. Kryesisht, përqindjen më të lartë e mbajnë moshat nga 24 deri në 35 vjeç, të cilët kanë shkaktuar 39 nga 114 aksidentet e regjistruara në korrik 2020.

AKSIDENTET KORRIK 2021-2020

Korrik 2021: 114 aksidente                            Korrik 2020: 130 aksidente

Korrik 2021: 13 viktima                                  Korrik 2020: 14 viktima

Korrik 2021: 162 të plagosur                         Korrik 2020: 154 të plagosur

Nëse shifrat e përplasjeve rrugore të korrikut 2021 janë më të ulëta se ato të korrikut 2020, e njëjta gjë nuk mund të thuhet për shtatë muajt e parë të vitit 2021. Po sipas llogaritjeve të INSTAT, nga 1 janari deri në 31 korrik janë regjistruar 785 aksidente rrugore nga 635 aksidente të ndodhura në shtatëmujorin e parë të vitit 2020. Edhe raporti i viktimave për shtatëmujorin e parë të 2021-shin me shtatëmujorin e parë të 2020-ës është më i lartë. Nga 1 janari deri më 31 korrik 2021 janë regjistruar 118 viktima, 30 më shumë se nga e njëjta periudhë e një viti më parë.

AKSIDENTET JANAR-KORRIK 2021-2020

Janar-korrik 2021: 785 aksidente                                Janar-korrik 2020: 635 aksidente

Janar-korrik 2021: 118 viktima                                     Janar-korrik 2020: 88 viktima

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Pas 3 muajsh konfirmohet shkaku i vdekjes së Liam Payne

Pas 3 muajsh konfirmohet shkaku i vdekjes së Liam Payne

8 Janar, 19:18