POP 5

Lajmet më të lexuara të 5 minutave të fundit

Kronikë

Policia në zgjedhje, OSBE:
Besojmë në paanshmëri

Prezenca e OSBE-së në Shqipëri, në bashkëpunim me Policinë e Shtetit, Komisionin Qendror të Zgjedhjeve dhe Prokurorinë e Përgjithshme, nisën sot trajnimin e rreth 6,500 forcave të policisë, që do të jenë kujdesen për mbarëvajtjen e zgjedhjeve kuvendore të 18 qershorit. VIDEO
Prezenca e OSBE-së në Shqipëri, në bashkëpunim me Policinë e Shtetit, Komisionin Qendror të Zgjedhjeve dhe Prokurorinë e Përgjithshme, nisën sot trajnimin e rreth 6,500 forcave të policisë, që do të jenë kujdesen për mbarëvajtjen e zgjedhjeve kuvendore të 18 qershorit.
 
Trajnimi për rolin e policisë në zgjedhje fillon sot me drejtuesit e nivelit të lartë e të mesëm. Më pas, do të bëhet trajnimi i trajnuesve, të cilët, deri në fillim të muajit maj, do t’i kalojnë njohuritë e të tyre te të gjitha strukturat policore që do të përfshihen në zgjedhje. Prezenca e OSBE-së ka organizuar trajnime të tilla prej vitit 2005.
 
“Zgjedhjet e këtij viti do të jenë një pikë e rëndësishme për konsolidimin e demokracisë dhe performanca e Policisë së Shtetit gjatë procesit zgjedhor do të jetë një përbërës thelbësor i zgjedhjeve të suksesshme”, tha Kryetari i Prezencës së OSBE-së, ambasadori Bernd Borchardt, sot, në hapje të trajnimeve.
 
Borchardt tha se zgjedhjet e vitit 2007 qenë të parat ku u shënua mospërfshirja politike e policisë në zgjedhje dhe se raportet e OSBE/ODIHR-it që atëherë kanë folur për një rol pozitiv të policisë në të gjithë procesin zgjedhor.
 
Borchardt shprehu besimin se Policia e Shtetit do të jetë e pavarur gjatë zgjedhjeve të këtij viti dhe do të veprojë me profesionalizëm dhe dinjitet.
 
“Megjithëse këto zgjedhje janë një ngjarje e rëndësishme për Shqipërinë, policia duhet të vijojë edhe punën e përditshme, si luftën kundër kërcënimeve transnacionale dhe krimit të organizuar, veçanërisht luftën kundër kanabisit”, shtoi Borchardt.

Ndërsa kreu i Komisionit Qendror të Zgjedhjeve, Denar Biba i sheh zgjedhjet si një sfidë për Policinë e Shtetit. “Procesi zgjedhor është sfidë për Policinë e Shtetit”, ka deklaruar ai. 
 
Drejtori i Policisë së Shtetit Haki Çako ka garantuar që institucioni që ai drejton do jetë garant i Kushtetutës dhe nuk do të jetë në asnjë rast e politizuar.
 
“Policia Shtetit nuk ka qenë, nuk është dhe nuk do të jetë në asnjë rast e politizuar, do jetë garante e Kushtetutës në mënyrë të padiskutueshme. Çdo punonjës policie do kryejë detyrën me përpikmëri”, tha ai.

Redaksia Online
Al.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03