Policia spanjolle në “gjah” për
Dritan Rexhepin, akuzohet për vrasje

SPANJË- I cilësuar si i pari vrasës me pagesë në Shqipëri, Dritan Rexhepi, mjeshtri i arrative, i akuzuar edhe për vrasje policësh apo trafik droge rezulton mes 10 kriminelëve më të kërkuar në Spanjë. Policia ka publikuar fotot e 10 personave të rrezikshëm, duke kërkuar që çdokush kishte informacion rreth tyre të telefononte menjëherë në rajonet më të afërta.

Ekspertët kanë përllogaritur me përafërsi vendndodhjet e mundshme të të arratisurve nga burgu, ku Rexhepi mendohet të strehohet momentalisht në Katalonja, teksa herën e fundit që u dëgjua për të ishte një njoftim i policisë së Britanisë së Madhe, e cila gjithashtu dyshonte se strehohej atje.

Ndërsa si fytyrë 33-vjeçari Dritan Rexhepi është parë së fundmi gjatë arratisjes spektakolare nga një burg në Belgjikë, ku ishte arrestuar sepse kërkohej edhe nga Italia apo Holanda për trafik droge dhe arratisje të tjera nga burgu. Rexhepi do të listohej si personi më i kërkuar në vend pikërisht në vitin 2006. Asokohe, djali që ishte student juridiku në Tiranë, u kap me dy pistoleta në hollin e Hotel Tiranës, duke pirë kafe bashkë me një shokun e tij. Policia përcolli me shumë bujë arrestimin e tij, ndërsa u tha se vlonjati dyshohej dhe akuzohej si vrasës me pagesë.

Për policinë, Dritan Rexhepi rezultonte të ishte autori i vrasjes së dy punonjësve të policisë në Fushë-Krujë në vitin 1998. Natën e arrestimit Rexhepi arriti të arratisej nga Komisariati i Durrësit. Në Itali u arratiset nga burgu i sigurisë së lartë i Pavias bashkë me dy shqiptarë të tjerë.

Në korrikun vitit 2011, Gramoz Rexhepi do të arrestohej për grabitjen e një prej bankave më të mëdha në Barcelona. Grabitjen shqiptari e kishte kryer në një natë magjike për katalanasit, pikërisht në momentin kur gjithë Katalonja gjendej në shesh duke festuar fitoren e “Champions Ligë”-s nga Barcelona. Rexhepi u kërkua për ekstradim nga 4 shtete.
 
Redaksia Online
(e.s/shqiptarja.com)

/Shqiptarja.com