Zyrtarë polakë janë shprehur të bindur se kanë zbuluar një tren të Luftës së Dytë Botërore që i përkiste ushtrisë gjermane.

Zv.ministri i Kulturës, Piotr Zuchowski thotë se treni ndodhet afër qytetit Walbrzych.

Legjendat vendase thonë se treni nazist është i mbushur me flori, diamante dhe armë dhe është zhdukur afër qytetit në vitin 1945.

Zuchowski nuk bëri të ditur vendndodhjen, por tha se informacioni për zbulimin e trenit ka ardhur nga një polak dhe nga një gjerman.

Me anë të avokatit, ata kanë kërkuar 10% të vlerës së sendeve që do të gjenden në tren.

Edhe pse asnjë dokument që konfirmon ekzistencën e trenit nuk është zbuluar, mes viteve 1943-45 forcat gjermane detyruan të burgosurit të hapnin një tunel nëntokësor 9 km të gjatë afër Walbrzych, me qëllim për ta përdorur si fabrikë.

Redaksia Online
(f.s/shqiptarja.com)