Polonia do t’ia dërgojë Ukrainës 60 tanke të modernizuara, 14 të tjera të modelit Leopard 2

Kryeministri polak, Mateusz Moraëiecki, ka thënë se Polonia do të dërgojë dhjetëra tanke në Ukrainë këtë vit. Ai ka folur në një intervistë për televizionet vendase ku ka bërë me dije s shteti i tij është i gatshëm të dërgojë 60 tanke të avancuar dhe 14 tanke të modelit gjerman Leopard 2 në mbështetje të Ukrainës.

Varshava, e cila e ka pozicionuar veten si një prej vendeve më mbështetëse ndaj Ukrainës, i ka kërkuar vazhdimisht Gjermanisë, më tepër akoma në javët e fundit që të mundësojë dërgimin e tankeve Leopard 2 në Kiev, pasi i duhet konfirmimi i Gjermanisë.

Gjermania është pajtuar për të dërguar vetë këto tanke në Ukrainë, por edhe u ka dhënë dritën e gjelbër shteteve tjera.

“Tani për tani, ne jemi të gatshëm të dërgojmë 60 tanke tona të modernizuara, 30 prej tyre PT-91. Përveç tyre janë edhe 14 tanke Leopard 2, që i kemi në dispozicion”, tha ai në një televizion vendas.

PT-91 është tanke luftarake polake, e cila ka nisur të përdoret për herë të parë në vitet 1990.

Presidenti ukrainas, Volodymyr Zekensky, e ka falënderuar Poloninë për dërgimin e më shumë tankeve.

“Së bashku, ne do të fitojmë”, ka shkruar ai në një postim në Tëitter.

Lufta në Ukrainë ka nisur më 24 shkurt 2022 ka tashmë ka kaluar një vit që nga nisja e saj ku shumë ushtarë e civilë knaë humbur jetën, qoftë nga ushtria ukrainase, por edhe ajo ruse

Lajmi kryesor:

Ministri Italian: Lufta e tretë botërorë nëse tanket ruse mbërrijnë në Kiev! Kryeministri polak: Putin po ndërton kampe të reja përqëndrimi në Lindje

F.D/Shqiptarja.com

TAG:
• Mateusz Moraëiecki
• poloni