TIRANE- Në vetëm dy ditë nga hapja e portalit StopKorrupsionit.al ka vërshuar një mori denoncimesh nga qytetarët. Sipas burimeve të “Shqiptarja.com” vetëm në tre ditët e para të funksionimit të këtij portali janë regjistruar mbi 1 mijë denoncime, ku qytetarët akuzojnë funksionarë të ndrsyëhm shtetërorë për korrupsion. Nga sa mësohet denoncimet shtrihen në një shkallë të gjerë për shumë fusha të administratës publike, por vërehet se shumica e këtyre kallzimeve kanë të bëjnë me tre fusha të ndjeshme: Arsimin, Shëndetësinë e Tatimet.