POP 5

Lajmet më të lexuara të 5 minutave të fundit

Sociale

Porti i Durrësit, 7 kroçera do të vijnë gjatë shkurtit! Kapiteni: Është rritur interesi, po përshtasim dy kalatat

Turizmi i krocerave po njeh zhvillim në Durrës. Vjet mbërritën në port 22 krocera nga vende të ndryshme të botës ndërsa këtë vit numri do të jetë më i lartë. Sipas Kapitetit të portit më të madh në vend, dy kalata po bëhen gati për pritjen e tyre

Gjatë muajit shkurt, 7 kroçera janë konfirmuar për të prekur Portin e Durresit ndërsa shumë të tjera pritet t'i konfirmojnë prenotimet gjatë muajve në vijim.

“Për momentin kemi të konfirmuara 7 kroçera dhe presim që ngërçi i prenotimeve që u krijua në 2021 për shkak të pandemisë, të rikuperohet gjatë 2024-ës”, tha Taulant Allka Kapiteni i Portit të Durrësit.

Në mungesë të një hapësire të dedikuar për ankorimin e kroçerave, Allka thotë se kalatat 4 dhe 5 do të lirohen me ardhjen e tyre në datat e planifikuara.

“Porti ynë është port tregtar, pra nuk kemi vend të dedikuar për kroçerat siç kanë portet e vendeve europiane. Në këto kushte ne përshtatim kalatat 4 dhe 5 për bregëzimin e kroçerave. Ne largojmë vinçat, pastrojmë vendin në mënyrë që të ofrojmë shërbim për këto mjete turistike. Po kështu jahtet me vela dhe ato motor kemi vene në dispozicion kalatën e ish-peshkimit, duke ofruar shërbim 24 orë me ujë drita, pra është një marinë e improvizuar për turizëm”, u shpreh me tej Taulant Allka.

Kapiteni tregon se nga cilat vende vijnë më së shumti kroçerat, të cilat sjellin mijëra turistë.

“Linjat që kanë prekur portin e Durrësit janë linja të konsolideruara, kryesisht ato sjellin turistë europianë por dhe nga Amerika e Kanada”.- tha kapiteni.

Porti i Durrësit prej dy vitesh është futur listën e destinacioneve të preferuara të turistët që udhëtojnë nëpër det.  Vitin e kaluar erdhen 22 kroçera, ndërsa ne 2024 numri pritet te jete me i larte.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Elbasan/ Aksidentoi për vdekje me makinë një këmbësor të moshuar, arrestohet 23 vjeçari

Elbasan/ Aksidentoi për vdekje me makinë një këmbësor të moshuar, arrestohet 23 vjeçari

26 Dhjetor, 09:54