Porti i Durrësit, Berisha: Aferë korruptive, s'do e dorëzojmë! Do mbajmë protestë të fuqishme

 

Ish-kryeministri Sali Berisha ka njoftuar se do të mbajën protestë në Durrës, kundër projektit të ri për portin. Në komunikim live me qytetarët, Berisha e cilësoi marrëveshjen për Portin e Durrësit si një mega aferë ndërsa tha se do të organizojnë një protestë të fushqishme dhe nuk s'do të pranojnë ta dorëzojnë portin. 

"Është e drejtë, do të ndodhë, do të jetë një protestë e fuqishme. Durrësin nuk do mund ta dorëzojë portin që ka qenë arteria kryesore e jetës, krenaria kombëtare, porta me të cilën Shqipëria është lidhur me perëndimin. Ata që mendojnë ta shndërrojnë në pronë private, nuk do ta arrijnë kurrë projektin e tyre ogurzi", tha Berisha.

LEXO EDHE:
Dritan Hila: Mendo kush e ka drejtuar këtë vend?!

Berisha u bëri thirrje investitorëve dhe qytetarëve që të mos blejnë apartamente në Portin e Durrësit. 

"Së pari kemi dërguar në GJK, do krijoj një komision hetimor parlamentar, do qëndrojmë me mosbindjen civile në mbrojte të kësaj pasurie kombëtare. I bëj thirrje qytetarëve dhe kompanive të ndërtimit të qëndrojnë larg këtoij porti që Rama do ta shndërrojë në mega aferë. Asgjë nuk duhet t’i joshë ata për të investuar dhe mashtruar nga ndërtimet në këtë shesh", tha Berisha.

Lajmi kryesor:

Policia i ndaloi protestën në Bulevard ditën e samitit të BE në Tiranë, Berisha sfidon Shtetin: Asgjë nuk na ndal, do ta mbushim si kurrë më parë

SI.E./r.k./Shqiptarja.com

TAG:
• samiti be-ballkani perendimor
• sali berisha
• 6 dhjetori i Berishes
• PD