GJERMANI-Pas ndeshjes Bayern Munchen-Real Madrit, mbrëmjen e kaluar një nga lojtarët madrilen ka kaluar natën në Gjermani pasi është ndaluar nga UEFA.
 
Bëhet fjalë për mesfushorin Casemiro i cili nuk iu bashkua pjesës tjetër të ekipit.
 
Ai u ndalua nga UEFA për të kryer teste anti-doping, ndërsa pritet që sot të udhëtojë drejt Spanjës për t’iu bashkuar skuadrës.
 
Ndeshja e parë çerekfinale e Ligës së Kampionëve, përfundoi me fitoren e madrilenëve 2- 1, me dy gola nga Cristiano Ronaldo.
 
Redaksia Online
B.B/Shqiptarja.com