Postonte shkrime e foto në përkrahje të ISIS me profile false në rrjetet sociale, arrestohet 56-vjeçari pas disa muajsh hetime nga Antiterrori, BKH dhe SPAK

Një 56-vjeçar nga Kukësi është arrestuar nga Drejtoria e Antiterrorit pasi postonte shkrime dhe foto terroriste, bënte thirrje publike dhe propagandë për kryerjen e veprave terroriste kundër disa institucioneve të rëndësishme shtetërore me profile false në rrjetet sociale.

Ibrahim El Salih (Lekica), person me prirje ekstremiste fetare, i cili postonte në rrjetet sociale, shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri. Arrestimi i tij u bë nga hetimet e kryera prej disa muajsh nga Drejtoria e Antiterrorit në Policinë e Shtetit, në bashkëpunim me Byronë Kombëtare të Hetimit (BKH) dhe SPAK-un. Me anë të një vëzhgimi në një prej profileve të 56-vjeçarit, bën vetëm postime për fenë islame dhe në një prej tyre uron që të shkatërrohet Izraeli.      

“Specialistët e Drejtorisë së Antiterrorit, në bashkëpunim me Drejtorinë Vendore të Policisë Kukës, bënë ekzekutimin e vendimit të Gjykatës së Posaçme Kundër Korrupsionit dhe Krimit të Organizuar, e cila ka caktuar për shtetasin I. S.(L.), 56 vjeç, banues në Kukës, masën e sigurisë “Arrest në burg”, si i dyshuar për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”, thuhet në njoftimin e policisë.

Materialet i kaluan SPAK-ut, për veprime të mëtejshme.

Një nga postimet në Facebook

Rendit zhvillimet sipas orarit:
Ora 10:33
Foto/ Kush është 56-vjeçari nga Kukësi që u arrestua për terrorizëm, bënte postime në përkrahje të ISIS në rrjetet sociale

 

Ky është Ibrahim El Salih (Lekica), 56-vjeçari nga Kukësi, i arrestuar sepse publikonte shkrime dhe foto në rrjete sociale në përkrahje të ISIS-it.

 

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

 Zelensky: Kemi nevojë për një garanci sigurie edhe nëse jemi jashtë NATO-s