POP 5

Lajmet më të lexuara të 5 minutave të fundit

Ekonomi

Pr/buxheti debate në komision
PS: Reflekton krizën ekonomike

Parlamentarët e Komisionit të Ekonomisë u përfshinë në debate gjatë diskutimeve mbi të ardhurat në buxhetin e vitit 2012 dhe ato të vitit të ardhshëm. Zv/ministri i Financave, Alfred Rushaj pranoi se grumbullimi i të ardhurave ka qenë më i ulët se parashikimet, për shkak të krizës në vendet fqinje.
Pr/buxheti debate në komision<br />PS: Reflekton krizën ekonomike
TIRANE - Parlamentarët e Komisionit të Ekonomisë u përfshinë në debate gjatë diskutimeve mbi të ardhurat në buxhetin e vitit 2012 dhe ato të vitit të ardhshëm. Zv/ministri i Financave, Alfred Rushaj pranoi se grumbullimi i të ardhurave ka qenë më i ulët se parashikimet, për shkak të krizës në vendet fqinje, si dhe për shkak të borës e shiut që mbuloi Shqipërinë në 3 mujorin e parë. Zv/kryetarja socialistja Mimi Kodheli, e ka cilësuar justifikimin qesharak ndërsa kryetari Spaho i quajti socialistët të llastuar.

“Për mosrealizimin e parashikimeve nuk mund të më tregosh përralla me borë e shi”- tha Kodheli, ndërkohë që fjala e saj ndërpritej nga kryetari i komisionit, Edmond Spaho i cili thoshte “Ju bëni si fëmijë të llastuar”.

Deputeti demokrat Florion Mima tha se niveli i ulët i taksave në Shqipëri, në rreth 25 % në raport me prodhimin e brendshëm bruto, vjen edhe nga fakti se zonat rurale në Shqipëri nuk taksohen, gjë që e përfshiu në debat me socialistin Erion Braçe.

“Ti mos thuaj këtu që fshati nuk paguan taksa, por thuaj që Saliu thotë që ju s’do paguani taksa” - tha Braçe duke akuzuar demokratët se kur janë në takim me fshatarët u premtojnë se nuk do paguajnë taksa por kur vijnë në komision ankohen se janë fshatarët që nuk i paguajnë.

Tonet e larta kanë vazhduar deri në momentin e fundit kur Braçe akuzoi kryetarit Edmond Spaho se mbron paaftësinë e ministrit të Ekonomisë, Edmond Haxhinasto, duke mos e thirrur atë në komision për të sqaruar ndikimin e krizës energjetike në buxhet.

Nga ana e tij Arben Ahmetaj tha se Pr/buxheti 2013 reflekton krizën ekonomike.

“Rritja e të ardhurave nga doganat e tatimet nuk mbulon as rritjen e inflacionit. Buxheti paraqet pasiguri serioze të shifrave”- tha Ahmetaj. Ndërsa për 2012 defiçiti nga të ardhurat tatimore është jo më pak se 24 miliardë lekë nga pritjet për t’u grumbulluar.

(im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54