POP 5

Lajmet më të lexuara të 5 minutave të fundit

Arkiva

Pranga në Angli për drogë
i merren 650 mijë euro pasuri

Prokuroria regjistron procedimin penal për pastrim parash ndaj Fatos Hamzarajt. Për një periudhë 3 vjeçare, të ardhurat e përfituara nga trafiku i lëndëve narkotike, 29 vjeçari i kishte transferuar tek familjarët e tij në Fier, për ti investuar në biznes.
FIER- Pasuria në vlerë 650 mijë euro e famijlarëve të një 29 vjecari i cili është arrestuar në Angli si anëtar i një grupi kriminal, është sekuestruar dje në kuadër të operacionit të koduar “Lotari e rreme”.

Gjatë një hetimi intensiv është rezultuar se Fatos Hamzaraj, “për një periudhë prej rreth tre vjetësh, të ardhurat e përfituara në mënyrë të paligjshme nga trafiku i lëndëve narkotike, i kishte transferuar tek familjarët e tij në Shqipëri, përmes transfertave bankare dhe kesh. Këta të fundit janë mundur t’i justifikojnë si para të ligjshme dhe t’i investojnë në biznese, bar kafe, karburant, apartamente, palestër, etj”- thuhet në njoftimin për shtyp të policisë.

PASTRIMI I PARAVE
Aktualisht 29 vjecari, ndodhet i arrestuar në Angli si pjesë e një grupi të strukturuar kriminal me tendencën e trafikut të lëndëve narkotike.
Ndërsa në Shqipëri, ndaj Fatos Hamzaraj është regjistruar Procedimi Penal nr. 322 i vitit 2011 për veprën penale “Pastrim i produkteve të Veprës Penale” parashikuar nga neni 287 i Kodit Penal. Nga Gjykata e rrethit Gjyqësor Fier është vendosur masa e sekuestros për pronat dhe llogaritë bankare të këtij shtetasi dhe familjarëve të tij.

Gjykata kishte dhënë vendim për sekuestro të pronave dhe llogarive bankare të nënës së 29 vjecarit, Teferi Nuri Hamzaraj, 60 vjece, banuese në Cakran të Fierit, si dhe të familjarëve të saj. Sektori kundër Pastrimit Parave në Departamentin Kundër Krimit Organizuar dhe Krimeve të Rënda në Policinë e Shtetit, në bashkëpunim me Drejtorinë e Policisë së Qarkut Fier dhe Njësinë e Përbashkët Hetimore Task-Forcë në Prokurorinë e Rrethit Gjyqësor Fier ekzekutoi vendimin gjyqësor.

PRONAT E SEKUESTRUARA
- Një apartamenti me sipërfaqe 120 metër katrorë në qytetin e Fierit, pronë e shtetases Teferi Hamzaraj,
- Një sipërfaqe trualli 782 metër katrorë në komunën Cakran,
- Një pike karburanti në komunën Cakran me sipërfaqe 150 metër katrorë,
- Disa garazheve,
- Një palestër,
- Bar Kafe,
- Si dhe të gjitha pajisjeve të ndodhura në këto aktivitete

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10