Arrestohet autori i dytë i grabitjes në Rinas në datë 9 Prill. Ai është Elton Pikli nga Kruja 32-vjeç ndërsa është prangosur në Qafë Thanë, teksa po kthehej nga Bullgaria në Shqipëri. Policia e Shtetit njofton se ai "është prangosur mbrëmë në mesnatë, i dyshuar si një prej autorëve". 32-vjeçari punon si kasap në Krujë. Pas grabitjes ai mësohet se është arratisur për në Bullgari, ndërsa mbrëmjen e djeshme po rikthehej, por është prangosur.
Ai ka qenë i shpallur në kërkim për një çështje falsifikimi. Emri i tij duket se ka dalë pas dëshmisë së të penduarit, ose i kanë dalë gjurmët e gishtave te furgoni që autorët dogjën pas grabitjes duke e fundosur. Pas arrestimit policia ka kryer kontrolle në banesën e tij në Krujë, por nuk janë gjetur as armë dhe as para. Kasapi është fqinj me Dash Kupën, ata kanë lindur në të njëjtën lagje në Krujë.
Para dy ditësh u arrestua Oltion Veseli, ndërsa sot Elton Pikli, të dy nga Kruja, autorë të grabitjes në Rinas. Me arrestimin e fundit shkon në pesë numri i personave të kapur (dy autorë dhe tre bashkëpunëtorë), ndërsa shtatë vijojnë që të jenë ende në kërkim, mes tyre Klement Çala, vëllai i tij Eldi Çala dhe një ish-polic, Mareglen Hoxha. Hetimet për autorët e tjerë janë duke u kryer edhe me autoritetet bullgare, pasi dyshohet se Bullgaria ishte një ndër bazat e Aleks Pepës një prej të kërkuarve për grabitjen e parë brenda aeroportit të Rinasit në 2016.
Elton Pikli i arrestuar për grabitjen e Rinasit
Deri tani janë arrestuar; Oltian Veseli, Alkon Bengasi, Renaldo Sula dhe Saimir Çela. Policia e Shtetit dhe prokuroria arritën që të zbulojë autorët falë dëshmisë së Alkond Bengasit, shokut dhe kushëririt të Klement Çalës, një nga të shpallurit në kërkim për grabitjen e fundit në aeroport dhe të tjera vite më parë. Bengasi rrëfeu për hetuesit emrat e të përfshirëve në grabitjen e afro 5.7 milion eurove dhe mënyrën se si furgoni u modifikua në Elbasan 2 muaj para goditjes në pistën e aeroportit të Rinasit. Me këtë rrëfim të marrë nga Bengasi ditën e premte kur ai është ndaluar në qytetin e Elbasanit, hetuesit kanë shkuar më pas tek të arrestuarit e tjerë Oltian Veseli, Renaldo Sula dhe Saimri Çela.
Oltian Veseli nga Kruja, i arrestuar dy ditë më parë, dyshohet të jetë një nga pesë personat që u futën me furgon në pistën e aeroportit të Rinasit, duke vjedhur miliona euro të bankave të nivelit të dytë teksa do të transportoheshin me avionë në Vjenë. Ai dyshohet të jetë personi krah Admir Muratajt, i veshur me rroba ushtarake teksa i drejton armën automatike personave të sigurisë pranë avionit.
Sot u arrestua grabitësi i dytë për ngjarjen në Rinas, ndërsa është i pesti në total i vendosur në pranga. Elton Pikli është një personazh i njohur në Krujë, ai punon si kasap, ndërsa në 2011 ka qenë kandidat për këshillin bashkiak të Krujës, por nuk ka arritur që të fitojë, pasi ishte i shtati në listën shumë emërore. Kasapi kandidoi nën siglën e partisë “Aleanca Arbnore Kombëtare”.
Policia e Shtetit në njoftimin e shpërndarë për mediat theksonte sot se Pikli është arrestuar në kuadër të hetimeve për veprat penale të “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë.
Të arrestuar
1. Oltion Veseli 38 vjeç nga Kruja (dyshohet autor i grabitjes)
2. Elton Pikli 40 vjeç nga Kruja (dyshohet autor i grabitjes, me profesion kasap)
3. Alkond Bengasi, 34 vjeç nga Elbasani (i penduar i drejtësisë, dyshohet bashkëpunëtor), me banim në Tiranë
4. Saimir Çela 28 vjeç nga Kajani i Elbasanit (bashkëpunëtor)
5. Renaldo Sula 25 vjeç nga Elbasani (bashkëpuëntor)
Në kërkim si autor direkt në grabitje
1. Talo Çela, nga Elbasani, (dyshohet të jetë autor direkt në grabitje) pronar i vilës ngjitur me servisin ku u modifikua furgoni
Në kërkim
1. Klement Çala 31 vjeç nga Elbasani, i shpallur në kërkim për grabitjet që në vitin 2015
2. Eldi Çala (ka blerë servisin në Karakullak ku u modifikua furgoni i grabitjes) - bashkëpunëtor, vëllai i Klement Çalës
3. Marenglen Hoxha, ish-punonjës policie (dyshohet të ketë dhënë infromacion tek grabitësit për furgonet që transportonin paratë)
4. Aleks Pepa nga Elbasani i shpallur në kërkim për grabitjen e parë brenda aeroportit në qershor 2016
I vrarë pas grabitjes
1. Admir Murataj nga Tropoja, i arratisur në 2013 nga burgu grek, ishte në kërkim për dy grabitje të tjera në Shqipëri, në 2015 tek Stacioni i Trenit në Tiranë dhe 2017 në Qafë-Kashar. U vra gjatë shkëmbimit me policinë
Shqiptarja.com mëson se njëri nga pesë personat që morën pjesë në grabitjen e Rinasit është Talo Çela nga Elbasani. Talo Çela është pronar i vilës në periferi të Elbasanit, pranë së cilës u bë modifikimi i makinës që u krye grabitja. Ai është shpallur në kërkim nga policia. E ndërsa Admir Murataj u vra dhe dy janë arrestuar (Oltion Veseli dhe Elton Pikuli), Talo Çela është në kërkim. Mbetet për t'u identifikuar edhe grabitësi i pestë i grupit, që mund të jetë edhe vetë Klement Çala.
Shqiptarja.com mëson se Elton Pikli nuk është kapur në Bullgari sikur ishin informacionet e para kontradiktore, por në Qafë Thanë. Krutani po vinte nga Bullgaria, në momentin që është prangosur. Ai ka qenë i shpallur në kërkim për një cështje falsifikimi, ndërsa është arrestuar. Emri i tij duket se ka dalë pas dëshmisë së të penduarit, ose i kanë dalë gjurmët e gishtave te furgoni që autorët dogjën pas grabitjes. Ai punon si kasap në Krujë.
Policia e Shtetit ka dhënë informacionet e para për personin që është arrestuar për grabitjen në Rinas. Ai është nga Kruja me inicialet E.P. ndërsa është autori i dytë që është prangosur pas Oltion Veselit.
"Në vijim të veprimeve të kryera nga një grup i posaçëm hetimor për zbardhjen e ngjarjen së datës 09.04.2019 në aeroportin e Rinasit, ju informojmë se mbrëmë në mesnatë është kapur dhe ndalur shtetasi E.P banues në Krujë, i dyshuar si një prej autorëve të kësaj ngjarje.
Materialet proceduriale i kaluan Prokurorisë Pranë Gjykatës së Shkallës së Parë për Krime të Rënda Tiranë për veprën penale të “Vjedhjes me armë të kryer në bashkëpunim” në kuadër të "Grupit të Strukturuar Kriminal", ”Mbajtjes pa leje e armëve dhe municioneve luftarake” "Vrasje e Punonjësve të Policisë “ e kryer në bashkëpunim e mbetur në tentativë" deklaron policia.
Komente
Lajme të tjera
-
Grabitja e 4,6 mln eurove në Rinas, dështon pretenca ndaj të arratisurit Talo Çela! Gjyqtarja mungoi për probleme shëndetësore! SPAK do lexonte dhe prova nga SKY ECC
1 Tetor, 12:39 -
Vrasja e Stiven Toshkesit, shpallet në kërkim 18-vjeçari, Arbër Murataj! I biri i Admir Muratajt, u vra në grabitjen e Rinasit
25 Prill 2023, 10:51 -
Sekuestrohen 2 mln € pasuri në pronësi të gruas së Admir Muratajt, që u vra në grabitjen e Rinasit! Apartament në Tiranë e Sarandë, 2 garazhe dhe tokë
12 Dhjetor 2022, 16:27 -
Grabitja e 4.6 mln eurove në Rinas, GJKKO jep 122 vite burg për 7 anëtarët e grupit! Klement Çala dënohet me 20 vite dhe me nga 17 vite 6 të tjerët
5 Tetor 2022, 15:26 -
Grabitja e Rinasit, seanca ndaj Talo Çelës do të mbahet më 7 qershor! Avokati: Nuk mori pjesë se kishte gjurin të dëmtuar, kam rezonancën e tij magnetike
23 Maj 2022, 11:49
-
Shpallet në kërkim vëllai i Admir Muratajt, grabitësit të Rinasit, Policia i gjen snajper dhe municion luftarak në banesë
21 Prill 2022, 16:42 -
Grabitën 10 mln euro në Rinas më 9 prill të 2019, SPAK kërkon 24 vite burg për Klement Çalën dhe nga 19 për 7 të pandehurit e tjerë
14 Prill 2022, 10:40 -
Nën hetim për pastrim parash/ Prokuroria e Elbasanit sekuestron pasurinë e grabitësve të Rinasit, Klement dhe Eldi Çala
11 Janar 2021, 13:55 -
Grabitja e blindave me para, lirohet i penduari Admir Çerpja, ishte dënuar me 5 vite e 8 muaj
28 Nëntor 2020, 10:39 -
Grabitja e 4.6 mln eurove në Rinas, SPAK çon në gjyq 8 të pandehur: Vijon hetimi për përgjegjësinë e punonjësve të sigurisë
2 Korrik 2020, 11:27 -
Grabitja e parave në Rinas, ndërron jetë Ragip Hajdini, i njohur si 'Daja' nga Kosova (VIDEO)
9 Qershor 2020, 09:21 -
Vranë 4 të rinjtë në Durrës, 2 të arrestuarit dyshohen të përfshirë edhe në grabitjen e Rinasit
4 Maj 2020, 11:33
Myslymanet e devotshem pas faljes te se Premtes organizonin vjedhjen e vitit. Ah kjo feja e paqes po na suprizon cdo dite.
PërgjigjuParate kane shkuar ne distinacion tek PDja dhe LSIja.
PërgjigjuPo parate ku jane?
PërgjigjuBravo prokuroria se po te ishte per policine do te ishte mare vesh ne TV cdo gje. Po qenkan prokuroret e zot Respekte.
PërgjigjuNa koriten keta.. duke mos dash me qet emrin e Edvin Narko shtetit pranojne per vedi.
PërgjigjuBravo policisë qe paska punuar në heshtje pa rrjedhur asnjë informacion per ketë. Ky paska menduar se ja paska hedhur duke parë se askush nuk po e kërkonte. Prandaj keto pune keshtu e kanë.. Plasini nga 70 vjet brënda!
PërgjigjuDërrmojini bajgat, me një thes me akuza mbi shpinë të paktën 50 vjet brënda secili. Bravo policisë!
Përgjigju