POP 5

Lajmet më të lexuara të 5 minutave të fundit

Kultura

‘Pranverë me kangë’, 23 artistë interpretojnë në teatrin “Migjeni” këngë të muzikës së lehte shqiptare dhe të huaja

Koncerti i përvitshëm “Pranverë me kangë” u mbaj në teatrin “Migjeni” mbrëmjen e së premtes dhe do të vijë sërish sonte për publikun shkodran me këngë që i përkasin muzikës së lehtë dhe jo vetëm.

23 artistë shkodranë sollën me këngët më të bukura shqiptare dhe ato të huaja energjinë pranverore në koncertin "Pranverë me Kangë". Zërat e tyre erdhën ngrohtë tek publiku që i mirëpriti me duartrokitje të shumta në skenën e teatrit "Migjeni".

Kësaj mbrëmje muzikore nuk i mungoi as humori dhe interpretimet poetike të disa prej aktorëve të teatrit "Migjeni". Për udhëheqësin artistik Ilir Zoga, ky spektakël është vazhdim i një tradite të bukur për Shkodrën.

 

"Shkodra është burim i pashterrshëm i zërave të rinj, por ata kanë nevojë për ushqim dhe ushqimi i tyre është vetëm skena dhe ne kemi për detyrë t'i promovojmë vlerat e tyre në skenën e teatrit tonë"- shprehet Ilir Zoga, udhëheqës artistik .

 

Koncerti "Pranverë me Kangë" ka një traditë 20-vjeçare. Pjesë e tij janë artistët më të spikatur të qytetit por në këtë edicion të fundit nuk munguan as ata që u ngjitën për herë të parë në skenën e teatrit "Migjeni".

R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31