POP 5

Lajmet më të lexuara të 5 minutave të fundit

Sociale

Pr/buxheti 2024 për Ministrinë e Jashtme, 9% më shumë se vjet! Rritje pagash e shtim personeli! Hasani: Integrimi prioritet

I hartuar në funksion të aktivitetit diplomatik e konsullor, projektbuxheti i Ministrisë së Jashtme për vitin e ardhshëm parashikohet me një rritje 9% në krahasim me vitin aktual. Detajet u prezantuan nga ministri Igli Hasani i cilki foli edhe për fokusin e ministrisë për vitin që vjen.

Ministri i Jashtëm, Igli Hasani, prezantoi në Komisionin për Politikën e Jashtme projektbuxhetin për vitin 2024, i hartuar në funksion të aktivitetit diplomatik dhe konsullor. 

Planifikimi ka në themel objektivat e përcaktuara të Programit të Qeverisë Projektbuxheti i MEPJ për vitin 2024 është rreth 3.2 miliard lekë.

Ky buxhet mundëson zbatimin e strategjive, politikave dhe objektivave të shërbimit të jashtëm.

Krahasuar me buxhetin e vitit 2023, ka një rritje prej 9%.

Shtesa e buxhetit konsiston në rritjen e pagave të personelit të shërbimit të jashtëm. Numri i punonjësve të MEPJ për vitin 2024 do jetë 561 punonjës.

Integrimi evropian mbetet objektivi kryesor sipas ministrit të jashtëm…

“Integrimi Evropian, si drejtim strategjik i Politikës së Jashtme. Konsolidimi i kontributeve dhe rolit aktiv të Shqipërisë në organizatat ndërkombëtare. Marrëdhëniet dypalëshe, si komponent i pazëvendësueshëm për promovimin e interesave të vendit. Forcimi i diplomacisë ekonomike në përmbajtje dhe me mekanizma të reja. Zbatimi i Strategjisë Kombëtare të Diasporës Shqiptare 2021-2025. Në fokus edhe modernizimi i shërbimeve konsullore”- është shprehur Hasani.

Komisioni, ndryshe nga herët e tjera zhvillua online në platformën zoom, vendim i marrë nga Kryesia e Kuvendit, një ditë pas situatës kaotike të krijuar nga deputetët e Rithemelimit, e cila ka vijuar edhe ditën e sotme.

K.M/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

22 Korrik, 14:58