Kryetari i Grupit Parlamentar të Partisë Socialiste, Taulant Balla dhe Kryetari i Komisionit për Europën dhe Punët e Jashtme, Igli Hasani gjatë qëndrimit në Berlin zhvilluan një takim me Rita Schwarzelühr-Sutter, Sekretare Shteti në Ministrinë Federale të Gjermanisë për Mjedisin, Klimën, Konservimin e Natyrës dhe Sigurinë Nukleare.

Përmes një postimi në rrjetet sociale, Balla shkruan se në fokus të bisedimeve ishte avancimi i Shqipërisë në negociatat me Bashkimi Evropian, veçanërisht për Kapitullin 27 – Mjedisi dhe Ndryshimet Klimatike, i konsideruar një nga kapitujt më të rëndësishëm dhe sfidues të procesit të integrimit.

“Gjermania është mbështetës kryesor në rrugën evropiane të Shqipërisë dhe ne jemi mirënjohës për partneritetin e fortë në avancimin e reformave dhe arritjen e standardeve të BE”, shkruan Balla në rrjetet sociale.

Rendit zhvillimet sipas orarit:
Ora 18:50
Vizita në Berlin/ Balla falenderon Ministrin e Shtetit për Europën Gunther Krichbaum për mikpritjen: Gjermania mbështet anëtarësimin e Shqipërisë në BE

Kryetari i Grupit Parlamentar të Partisë Socialiste, Taulant Balla dhe Kryetari i Komisionit për Europën dhe Punët e Jashtme, Igli Hasani zhvilluan një takim me Ministrin gjerman të Shtetit për Europën, Gunther Krichbaum, ku u diskutua mbi progresin e Shqipërisë në procesin e integrimit europian dhe reformën në drejtësi.

Në një postim në rrjete sociale Balla ka falënderuar zyrtarin gjerman për mbështetjen e pakushtëzuar ndaj Shqipërisë në rrugën drejt integrimit. 

“Faleminderit për ftesën dhe mikpritjen Ministrit të Shtetit për Europën Gunther Krichbaum. Shqipëria është një model për vendet e tjera në zbatimin e reformës në drejtësi, përfshirë procesin e rivlerësimit (vettingut) të gjyqtarëve dhe prokurorëve, i cili ka kontribuar në rritjen e llogaridhënies, integritetit brenda sistemit gjyqësor, si dhe në sigurinë juridike për investimet e huaja. Gjermania mbështet anëtarësimin e Shqipërisë në Bashkimin Europian”, shkruan Balla. 

Që prej të hënës, një delegacion i nivelit të lartë i Kuvendit të Shqipërisë, i përbërë nga Taulant Balla, Jorida Tabaku dhe Igli Hasani, ndodhet në Berlin në një vizitë zyrtare me ftesë të Ministrit gjerman të Shtetit për Europën, Gunther Krichbaum. Delegacioni ka zhvilluar takime në Kancelarinë gjermane, Qeverinë Federale dhe Bundestag, ku në fokus kanë qenë procesi i anëtarësimit të Shqipërisë në Bashkimin Europian dhe perspektiva e vendeve kandidate të avancuara, në një moment kur në Bruksel pritet miratimi i IBAR-it nga vendet anëtare të BE-së.

U.D/Shqiptarja.com

P.J/U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Qershor, 21:08

    A e mbështesni protestën kundër investimit në Zvërnec?

Lajme të tjera