Empatia është ajo që na bën të gjithëve më njerëzor dhe veprimi i një berberi në Spanjë ka prekur zemrat e shumë njerëzve. Në kohën që ai po shkurtonte flokët e kolegut të tij që është duke u trajtuar me kimioterapi për shkak të kancerit, ai preu edhe flokët e veta për t’u solidarizuar.
Në videon e publikuar në internet, berberi Joel Ortega dëgjohet duke i thënë kolegut të tij, Neftali Martin, “ti nuk je vetëm”.
Në një video tjetër të publikuar në Instagram, berberi i sëmurë tregoi se Ortega i ka thënë se do të vazhdojë që ta rruajë kokën bashkë me të derisa ta përfundojë trajtimin mjekësor.
![](https://shqiptarja.com/template/img/NO_ALFA_Kuadrate shqiptarja.png)
“Për mua, Joel nuk është thjesht një koleg pune, ai është vëlla”, shkroi Martin.
Ndërkohë që tregohet se edhe katër berberë të tjerë i kanë rruar kokat për t’u solidarizuar me kolegun.
Shumë njerëz vendosin që t’i rruajnë flokët para se ta fillojnë trajtimin me kimioterapi, sepse rënia e flokëve është një efekt anësor i zakonshëm.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)