Gjykata Evropiane e Drejtësisë vendosi sot se UEFA dhe FIFA nuk mund të monopolizojnë futbollin dhe kështu ideja e një lige të re e quajtur "Superliga" mund të marrë jetë.

Ideja që dy vite më parë ishte një utopi, tanimë ka edhe mbështetje ligjore. Shumë nga "top-klubet" e Evropës janë kundër kësaj ideje dhe nuk do marrin pjesë nëse iu propozohet.

Premier League, La Liga dhe Ligue I kanë dalë me reagime kundër, teksa këtë ide mbron edhe Federata Shqiptare e Futbollit.

“Premier League rithekson angazhimin e saj ndaj parimeve të qarta të konkurrencës së hapur që mbështesin suksesin e garave të klubeve vendase dhe ndërkombëtare. Futbolli lulëzon në konkurrencën e krijuar nga promovimi dhe rënia, kualifikimi vjetor i bazuar në merita nga ligat dhe kupat vendase në garat ndërkombëtare të klubeve dhe rivalitetet dhe ritualet e gjata që vijnë me fundjavat që rezervohen për futbollin vendas”, thuhet në komunikatën e anglezëve.

Javier Tebas, kreu i La Ligas në Spanjë mbështet UEFA-n dhe FIFA-n.

“Mbështetja jonë e plotë për UEFA-n. Theksojmë se vendimi nuk nënkupton njohjen e Superligës. Në kategorinë e parë do të ketë gjithmonë të njëjtat klube. Është një garë pothuajse e mbyllur”, ka thënë Tebas.

Edhe Ligue I është kundër Superligës.

“Liga Profesionale e Futbollit mbështet pa mëdyshje garat e organizuara nga UEFA. Asgjë nuk mund të zëvendësojë legjitimitetin, besueshmërinë dhe prestigjin e garave evropiane siç organizohen prej më shumë se 60 vitesh”.

FSHF ka shpërndarë spotin e UEFA-s, me mesazhin: "Meritoje në fushë".

Në vendimin e gjykatës thuhet se "rregullat e UEFA-s dhe FIFA-s, që imponojnë miratimin e tyre për zhvillimin e garave alternative ndërmjet klubeve, siç është Superliga, duke i ndaluar skuadrat dhe lojtarët të marrin pjesë në to, janë të paligjshme”. Me pak fjalë gjykata e drejtësisë në Bashkimin Europian thotë se UEFA dhe FIFA nuk mund të jenë monopol në organizimin e garave europiane.

S.Dh/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera