Presheva, Halimi: Regjistrimi i
shqiptarëve i dyshimtë, shumë ikën

BEOGRAD - Deputeti i Partisë së Veprimit Demokratik në parlamentin serb, Riza Halimi, njëherësh i vetmi deputet përfaqësues gjithpopullor i Luginës së Preshevës në seancën e sotme të Kuvendit të Serbisë në Beograd kërkoi të dijë nga qeveria serbe se si do të kryhet regjistrimi emergjent i komunave shqiptare në jug të Serbisë (Medvegjë, Bujanoc dhe Preshevë), planifikuar për në vitin 2014, duke pasur parasysh se nga territori ka mjaft të zhvendosur brenda vendit në Kosovë dhe Perëndim?!

"Për shkak të ndjeshmërisë së çështjeve, i jam adresuar qeverisë me një kërkesë për të shpjeguar se si ata do të numërojnë të zhvendosurit nga viti 1999 dhe në maj në vitin 2001?! Si rezultat i konfliktit të armatosur në zonën tokësore të sigurisë ata janë ende në territorin e Kosovës për shkak se nuk e kanë siguruar minimumin e kushteve për kthim “, tha Halimi në Kuvend në pjesën e parë të seancës, transmeton agjencia e lajmeve “Presheva jonë”.

Depueti Halimi po ashtu paralajmëroi qeverinë serbe se “një numër i madh i shqiptarëve, kryesisht të rinj nga Lugina e Preshevës apo në Kosovë e Shqipëri tani gjenden në vendet e BE si azilkërkues për shkaqe të politikave  diskriminuese dhe krizës ekonomike në rajonin më të varfër në Serbi dhe Evropë.”

Redaksia Online
(mag/shqiptarja.com)