POP 5

Lajmet më të lexuara të 5 minutave të fundit

Politikë

Presidenti, Arvizu te Rama:
S'do të vendosë një person

Ambasadori amerikan në Tiranë është takuar sot pasdite me kryesocialistin Rama. Ai tha se presidenti i ardhshëm i vendit nuk do të zgjidhet nga një person i vetëm dhe për këtë shprehu kënaqësinë e tij. "Objektivi duhet të jetë zgjedhja e presidentit në raundin e parë".
 Nesër takimi Nano-Berisha në Kryeministri
Biseda sekrete Rama-Meta
Presidenti, Arvizu te Rama: <br />S'do të vendosë një person
TIRANË – Ambasadori amerikan në Tiranë, Aleksandër Arvizu, tha sot se presidenti i ardhshëm i vendit nuk do të zgjidhet nga një person i vetëm dhe për këtë shprehu kënaqësinë e tij. “Jam i kënaqur që nuk do të jetë një vendim nga një person i vetëm por kemi një mbledhje mendimesh e konsultimesh mes palëve”, tha Arvizu në përfundim të takimit që zhvilloi pasditen e sotme me kryesocialistin Edi Rama në selinë e PS.

“Ju keni raportuar për diskutime, takime, darka. Po ju them që do të ketë më shumë diskutime, takime, darka”, u tha ai gazetarëve. Sipas ambasadorit, “objektivi kryesor do të ishte të zgjidhej presidenti që në votimin e parë. Ky duhet të jetë objektivi. Natyrisht që loja ka disa rregulla por ky duhet të jetë objektivi”, tha ambasadori Arvizu.

Ambasadori tha se mbeten ende shumë probleme për të cilat politika shqiptare duhet të gjejë një zgjidhje. “Kemi rënë dakort me zotin Rama që partitë duhet të bëjnë të gjitha përpjekjet për të zgjidhur këto cështje përpara zgjedhjes së presidentit”, tha Arvizu. “E rëndësishme është që po zhvillohet një dialog”, tha ai.

“Jam shumë i kënaqur me marrëdhënien time me zotin Rama – tha më tej ambasadori - Ai është shumë i hapur, shumë miqësor”.

Dje gjatë emisionit “A Show” të gazetarit Adi Krasta, ambasadori amerikan la të kuptonte se gara për Presidentin e Republikës mund të ketë ende surpriza të tjera dhe se zgjedhja mund të bjerë mbi një emër që ende nuk ka qarkulluar në media. “Ajo që kuptoj nga rastet e mëparshme – tha Arvizu – personi që del president nuk është dikush për të cilin flitet që në fillim”.

(aq/im/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Ngjarja 2024 është ‘Shqipëria turistike’, dikur 80% e planetit s’e njihnin fare ku bie

Spahiu: Ngjarja 2024 është ‘Shqipëria turistike’, dikur 80% e planetit s’e njihnin fare ku bie

26 Dhjetor, 21:45