Begaj mbledh më 23 janar Këshillin e Sigurimit Kombëtar, në fokus diskutimi i prioriteteve për vitin 2023

Presidenti i Republikës, Bajram Begaj ka vendosur që të mbledhë më 23 janar Këshillin e Sigurimit në kuadër të zbatim të detyrimeve kushtetuese dhe ligjore për të diskutuar mbi analizën e gjendjes së sigurisë kombëtare dhe prioriteteve për vitin 2023.

Mësohet se mbledhja e Këshillit të Sigurimit, ka si synim dhënien e një panorame të plotë të gjendjes së sigurisë kombëtare në vendin tonë dhe të diskutojë mbi përcaktimin e prioriteteve të vitit në vijim.

“Mbledhja e Këshillit të Sigurimit Kombëtar synon që të japë një panoramë të plotë dhe integruar të gjendjes së Sigurisë Kombëtare në Republikën e Shqipërisë dhe të diskutojë prioritetet për vitin në vijim në funksion të angazhimit të plotë, gjithëpërfshirës të institucioneve në garantimin e sigurisë, lirisë dhe mirëqënies së qytetarëve”-thuhet në njoftimin e presidencës.

LEXO EDHE:
KF Tirana në ankand prej borxheve, Eduard Prodani: Aksionet t'i kthehen bashkisë së kryeqytetit, futbolli shqiptar në batak

Ndërkohë në mbledhjen e Këshillit Kombëtar janë ftuar të marrin pjesë anëtarët e përhershëm të Këshillit të Sigurimit Kombëtar dhe të ftuar drejtues të institucioneve me rëndësi për sigurinë kombëtare.

B.V/M.Q./Shqiptarja.com

TAG:
• Bajram Begaj
• keshilli i sigurimit kombetar
• Tirane