TIRANË- Kreu i shtetit Bajram Begaj që prej marrjes së kësaj detyre ka kthyer për shqyrtim ligjin e parë, atë të dekoratave. Ky vendim i Begajt vjen pasi ‘qeveria i mori’ Presidencës kompetencën për të dekoruar. Në arsyetimin e kthimit të ligjit ‘Për dekoratat në Republikën e Shqipërisë’, thuhet se Presidenca është një organ kushtetues i pavarur dhe se kjo kompetencë i takon vetëm këtij institucioni dhe jo Kuvendit, kryeministrit apo ministrave siç parashikohet në ligj.
“ Është e qartë, se në këtë rast kemi të bëjmë me një kompetencë kushtetuese të Presidentit të Republikës, i cili në kuptim të Kushtetutës, është një institucion i pavarur kushtetues, me ligj rregullohet mënyra e dhënies së dekoratave dhe titujve të nderit, pasi është e qartë se cili është organi që i jep ato”, thuhet në njoftim.
Begaj thotë se qeveria nuk është konsultuar me institucionin e Presidencës kur ka hartuar ligjin e ri për dekoratat dhe thekson se ky ligj, në të cilin parashikohet ngritja e Kancelarisë së Urdhrave dhe Medaljeve, i heq kompetencat Presidencës. Në njoftim thuhet se ky bie në kundërshti me parimin e ndarjes dhe balancimit ndërmjet pushteteve. Me ligjin e ri, Presidentit Begaj i lejohet të japë vetëm 23 dekorata në vit, e për këtë Begaj thotë se Kancelaria nuk mund të kushtëzojë kompetencat kushtetuese të Presidentit.
Kthimi i ligjit nga Begaj vjen pasi Kuvendi miratoi me 75 vota pro ligjin që i heq Presidentit dekorimin. Sipas ligjit të ri, Presidenti nuk do të japë më shumë se sa 23 dekorata në vit pa miratimin e një organi të ri kompetent, që do të jetë Kancelaria e Urdhrave dhe Medaljeve. Ligji i ri u hartua nga qeveria pasi kjo e fundit kërkoi pretendon se ish-presidenti Ilir Meta kishte abuzuar me dhënien e dekoratave. Gjatë mandatit 5-vjeçar si President, Ilir Meta ka dhënë rreth 700 dekorata, mbi dyfishin e pasardhësve të tij. Konkretisht, Presidenti nuk mund dekorojë çdo vit pa propozim paraprak të autoriteteve përkatëse, më shumë se sa 10 % të numrit të përgjithshëm të dekoratave të të gjitha kategorive që mund të jepen brenda vitit.
Numri maksimal i dekoratave të të gjitha llojeve që mund të jepen brenda një viti nga të gjitha autoritetet është rreth 230. Presidenti mund të japë deri në 23 dekorata në vit. Dekoratat që do të japë kushtëzohen me dhënien e miratimit nga Kancelaria e Urdhrave dhe Medaljeve, e cila do të ngrihet me urdhër të kryeministrit. Ndërkaq, në ligjin e ri janë parashikuar edhe kushtet kur një personazhi të dekoruar mund t’i hiqet dekorata. Dekorata parashikohet të hiqet në dy rrethana; kur mbajtësi i dekoratës dënohet me vendim gjykate të formës së prerë dhe kur shpallet person i padëshiruar në Shqipëri, pra për shtetasit e huaj. Dekoratat në Shqipëri jepen nga me dekret të presidentit, me urdhër të kryeministrit, me urdhër të ministrit të Brendshëm dhe të ministrit të Mbrojtjes.
Llojet e dekoratave që i lejohen Presidentit të japë sipas ligjit të ri
1. Urdhri Suprem i Shqiponjës;
2. Urdhri i Skënderbeut;
3. Urdhri i Lisit Akademik;
4. Medalja e Meritës Ushtarake;
5. Medalja e Meritës Civile;
6. Medalja Nënë Tereza;
7. Medalja Pishtar i Demokracisë;
8. Medalja e Mirënjohjes Publike;
9. Medaljet përkujtimore ushtarake dhe civile;
10. Medalja e Shërbimit Ushtarak.
11. Medalja e Shërbimit të Rendit Publik
(Kliko këtu për të lexuar arsyet e kthimit të ligjit për dekoratat në Republikën e Shqipërisë)
Komente
Lajme të tjera
-
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Shqipëria mbetet pa ambasador në Zvicër, Mustafa Nano jep dorëheqjen
24 Dhjetor, 22:48 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
Dita Ndërkombëtare e të Drejtave të Njeriut, presidenti Begaj: Secili nga ne mund të japë kontributin e tij, veçanërisht të rinjtë
10 Dhjetor, 10:08 -
Sot ‘Dita e Rinisë’/ Begaj: Frymëzohemi nga akti politik i 'Dhjetorit 1990', për të bërë realitet aspiratën 'E duam Shqipërinë si gjithë Evropa'
8 Dhjetor, 09:22 -
Presidenca ndriçohet nga dritat e festave, kreu i shtetit i ndez bashkë me fëmijët! Koncert dhe dhurata për të vegjlit
6 Dhjetor, 19:32 -
Zgjedhjet parlamentare 2025 do të mbahen më 11 maj! Presidenti Bajram Begaj dekreton datën: E nevojshme për të mundësuar votën e diasporës
5 Dhjetor, 15:41
Ore Bake ca ben kshu re?! Apo ne tre, nje e ke per sy sipas mesimeve te Cekes...
PërgjigjuJam dakord me presidentin,por mund te gjendet nje rruge e mesme duke marre dakordesine e te gjitheve ,kuvendit,kryeministrit,etj per dhenien e dekoratave.Por pjesa ku shenohen arsyet e heqjes se dekorates eshte e paqarte dhe le vend per interpretime.Se pari,kur hiqet dekorata per denim te formes se prere.Per cilat denime behet fjale se me forme te prere mund te denohesh per nje shkelje semafori,trafiku e deri per vrasje e tradheti?! Se dyti,kendveshtrimi per dike a dicka mund te ndryshoje me kalimin e kohes,p.sh.OCP dikur konsiderohej gati si org.terroriste,po keshtu dhe Arafati,por me vone opinioni ndryshoi dhe zoteria morri cmimin per paqen,po keshtu dhe opinioni per IRA ka ndryshuar me ndryshimin e ideologjise e taktikave te kesaj org.Ceshtja qendron nese propozuesit e heqjes apo venies se nje dekorate,do te jene ne gjendje te shohin pertej politikes se momentit??
PërgjigjuSi ke filmi "koncert ne vitin '36". Po ngaterrojne kompetencat. MJERE NE!
PërgjigjuKur po marrin avokatin e popullit dekoratat i kane buke e djathe... lum veshgjatet qe i kane
PërgjigjuO Ram shalgjati, sikur te mos e kishe vene Meten president, ne kundershtim me vullnetin e shprehur nga votuesit ne zgjedhjet parlamentare, nuk do ishin ndare medaljet si broshurat e Jehovait. Presidenti i ri, rri qe rri, le te jape nga nje dekorate. Nuk ka nevoje te krijohen poste koti ne administrate per njerez qe lidhin shirita e shtrengojne duar.
PërgjigjuKete dekoraten pishtar i demokracise e moren gjith plerat....
Përgjigju