Presidenti Bajram Begaj me anë të një telegrami uroi homologun ukrainas Volodimir Zelensky për 32-vjetorin e pavarësisë.
Duke shprehur vlerësim për marrëdhëniet mes dy vendeve, Begaj thotë se për të intensifikuar bashkëpunimin, ka vendosur të ngrejë nivelin e pranisë diplomatike shqiptare në Kiev.
Urime në këtë ditë të shënuar për Ukrainën, përcolli edhe kryetarja e kuvendit Lindita Nikolla.
“I nderuar Zoti President!
Kremtimi i Ditës së Pavarësisë së Ukrainës më jep mundësinë dhe kënaqësinë që edhe në emër të popullit shqiptar t'Ju përcjell Juve dhe popullit mik të Ukrainës urimet më të mira e të përzemërta.
Më lejoni që me këtë rast të shpreh kënaqësinë për marrëdhëniet miqësore midis dy vendeve tona, të cilat këtë vit kremtojnë 30-vjetorin e tyre, por edhe të vlerësoj lidhjen e sinqertë midis dy popujve tanë, falë edhe diasporës së hershme shqiptare në Ukrainë. Në këtë 30-vjetor, si shenjë e dëshirës dhe e vullnetit tonë për të qenë sa më pranë Ukrainës dhe për të intensifikuar më tej bashkëpunimin, Shqipëria ka vendosur ta ngrejë nivelin e pranisë së saj diplomatike në Kiev.
Përfitoj nga rasti të ritheksoj qëndrimin e qartë dhe të palëkundur të Shqipërisë në mbrojtje të integritetit territorial, sovranitetit dhe të pavarësisë së Ukrainës. Ju siguroj se Shqipëria do të vazhdojë të kontribuojë në Këshillin e Sigurimit dhe në Asamblenë e Përgjithshme të Kombeve të Bashkuara, por edhe me mbështetje diplomatike e ushtarake, pasi ndajmë vlera dhe interesa të përbashkëta euroatlantike.
Me urimet më të mira në këtë ditë të shënuar për vendin Tuaj, Ju lutem pranoni Zoti President, shprehjen e respektit dhe të konsideratës sime më të lartë.”
Parlamenti i Ukrainës, Verkhovna Rada, miratoi Aktin e Deklaratës së Pavarësisë së Ukrainës më 24 gusht 1991. Shtetet e Bashkuara e njohën pavarësinë më 25 dhjetor të po atij viti dhe hapi ambasadën në kryeqytetin Kiev. Që nga ajo kohë, nëntë ambasadorë kanë përfaqësuar Shtetet e Bashkuara në Ukrainë.
Kryeparlamentarja Lindita Nikolla ka uruar Ukrianën me rastin e 32-vjetorit të Pavarësisë.
“Me rastin e 32-vjetorit të miratimit të Aktit të Pavarësisë së Ukrainës, i dërgoj popullit të Ukrainës, Parlamentit dhe Presidentit, kolegut Ruslan Stefanchuk, përshëndetjet më të ngrohta të Kuvendit të Shqipërisë dhe të miat personalisht.
Shpallja më 24 gusht 1991 e pavarësisë së shtetit modern ukrainas kremtohet në kushtet e rënda të agresionit të Rusisë.
Shqipëria ka qenë dhe do të jetë në mbështetje të luftës së drejtë të popullit ukrainas për mbrojtjen e tërësisë territoriale dhe sovranitetit të shtetit mik të Ukrainës.”, shkruan kryeparlamentarja Nikolla.
Lajme të tjera
-
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë
26 Prill, 21:24 -
SHBA paketë e re ndihme afatgjatë për Ukrainën, 1 miliardë vetëm për mbrojtjen ajrore dhe artilerinë
26 Prill, 19:43 -
Blinken paralajmëron Kinën: Mjaft ndihmove Moskën, ose do reagojmë
26 Prill, 17:21 -
Presidenti Begaj në panairin bujqësor të Lushnjes: Mirënjohje për ata që u janë rikthyer tokave, rol patriotik
26 Prill, 15:25 -
Lufta/ Spanja do t’i dërgojë Ukrainës raketa kundërajrore! Në Moskë arrestohet gazetari i 'Forbes Rusia'! Kremlini: Nuk kërcënojmë Europën
26 Prill, 09:44 -
Lukashenko: Në Bjellorusi janë dislokuar dhjetëra armë bërthamore ruse
25 Prill, 20:41 -
Spiropali takohet me Begajn: Bashkëpunimi mes institucioneve thelbësor për integrimin e vendit
25 Prill, 14:23 -
Biden nënshkruan paketën e ndihmës për Kievin: 'Dërgesa fillon menjëherë'! Raketat amerikane mbërritën fshehurazi në Ukrainë
24 Prill, 07:57 -
Lufta në Ukrainë/ Kina ndihmë ushtarake për Moskën? SHBA po planifikon sanksione të reja! Pekini: Akuzat të pabaza
23 Prill, 10:41 -
Begaj me përfaqësuesit e vendeve të NATO: Shqipëria, promovuese e paqes dhe sigurisë në Rajon
22 Prill, 13:14 -
Sot 22 prilli, dita Botërore e Tokës! Begaj: Kundër plastikës, për një të ardhme më të pastër
22 Prill, 09:35 -
Rusëve që janë kundër luftës nuk u njihet azili në Gjermani
22 Prill, 09:13
