POP 5

Lajmet më të lexuara të 5 minutave të fundit

Politikë

'Një dolli në Skrapar'! Presidenti Begaj: Investimet për furnizimin me ujë 24 orë, sjellin rigjallërim të zonës

Presidenti Begaj shprehu bindjen se investimet e duhura, si ato të furnizimit me ujë 24 orë apo përmirësimit të infrastrukturës rrugore, të realizuara tashmë apo në proces, do të sjellin me siguri një rigjallërim të kësaj zone.

'Një dolli në Skrapar'! Presidenti Begaj: Investimet për furnizimin me ujë 24 orë, sjellin rigjallërim të zonës

Presidenti Bajram Begaj

Investimet në infrastrukturë, turizmi i qëndrueshëm i bazuar në cilësi shërbimi dhe në promovimin e paketave malore, mbështetja e fermerëve dhe blegtorëve, si dhe lehtësirat fiskale për sipërmarrjet në shërbim të qytetarëve, ishin në fokus të takimit të presidentiti Bajram Begaj me autoritetet lokale dhe banorët e zonës së Skaraparit. 

Presidenti Begaj shprehu bindjen se investimet e duhura, si ato të furnizimit me ujë 24 orë apo përmirësimit të infrastrukturës rrugore, të realizuara tashmë apo në proces, do të sjellin me siguri një rigjallërim të kësaj zone.

Begaj theksoi se investimet në infrastrukturë, siguria ushqimore dhe ajo shëndetësore do të ndihmojnë në rritjen e turizmit në zonë. Kreu i Shtetit këshilloi autoritetet e zonës që të fokusohen në zhvillimin e mëtejshëm, në veçanti të turizmit malor.

“Besoj se me trendin e ri të turizmit malor, vizitorët do të vijnë nga deti për në mal për të prekur edhe natyrën apo magjinë e vendeve si Skrapari. Jam i sigurt se paketa e maleve, që do të bëhet tani për turizmin, do të përfshijë edhe Skraparin”,  u shpreh, ndër të tjera Begaj, duke theksuar se nisma si këto do t’i japin mundësi bashkive për më shumë frymëmarrje dhe për të pasur kapacitete turistike të një cilësie të lartë.

Presidenti Begaj la porosi për Bashkinë e Skraparit shtimin e kujdesit ndaj moshës së tretë. Gjatë takimit me një grup të moshuarish, Presidenti i Republikës theksoi rëndësinë e shërbimit shëndetësor dhe të rigjallërimit të bibliotekës dhe krijimit të lehtësirave fiskale  për kafe-libraritë.

Me ftesë të kryebashkiakut Adriatik Mema, Presidenti i Republikës vizitoi dhe panairin tradicional të Skraparit, ku dhjetëra fermerë e blegtorë ekspozuan produktet e stinës, zahiretë e dimrit dhe rakinë e prodhuar në mënyrën e vjetër tradicionale të skraparllinjve, veçanërisht të mirënjohur për të.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 12/10/2024 21:46

    Per uje dhe per rrug bahete fjal, 112 vjet shtet. Ha ha ha

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31