Presidenti Biden rezulton pozitiv me Covid-19, njoftimi: Do të izolohet dhe do të vijojë punën nga Shtëpia e Bardhë

Presidenti Biden rezulton pozitiv me Covid-19, njoftimi: Do të izolohet dhe do të vijojë punën nga Shtëpia e Bardhë

Joe Biden

Presidenti amerikan Joe Biden ka rezultuar pozitiv me Covid-19. Në një njoftim nga Shtëpia e Bardhë thuhet se ka simptoma të lehta të virusit dhe mund të vijojë punën nga shtëpia.

79-vjeçari, i cili është i vaksinuar dhe ka marrë dy herë injeksione përforcuese, do të izolohet në Shtëpinë e Bardhë dhe do të vazhdojë të kryejë të gjitha detyrat e tij, thuhet në një deklaratë.  Në takime do të marrë pjesë duke zhvilluar biseda telefonike dhe lidhje me video përmes Zoom.

Presidenti i SHBA po mjekohet me ilaçin antiviral Paxlovid.

"Ai është i vaksinuar katër herë kundër Covid-19 dhe ka simptoma shumë të lehta," thuhet përmes një deklarate.

“Në përputhje me udhëzimet e Qendrave për Kontrollin dhe Parandalimin e Sëmundjeve, ai do të izolohet në Shtëpinë e Bardhë dhe do të vazhdojë të kryejë detyrat e postit gjatë kësaj kohe”, vazhdon deklarata e Shtëpisë së Bardhë.

Zonja Jean-Pierre tha se presidenti Biden kishte folur me stafin e tij me telefon dhe do të vazhdojë të marrë pjesë në takime në distancë derisa të shërohet.

Shtëpia e Bardhë, ndërkohë do të japë informacione të rregullta për shëndetin e presidentit, tha zonja Jean-Pierre.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se në primaret e Rithemelimit ka garë të ndershme?



×

Lajmi i fundit

Restaurimi i Muzeut Historik nga BE, draftprojekti me rikonceptim të hapësirave. Edhe Arkeologjia e Etnografia pjesë, për të rrëfyer historinë përmes objekteve

Restaurimi i Muzeut Historik nga BE, draftprojekti me rikonceptim të hapësirave. Edhe Arkeologjia e Etnografia pjesë, për të rrëfyer historinë përmes objekteve