POP 5

Lajmet më të lexuara të 5 minutave të fundit

Bota

Presidenti i Azerbajxhanit akuzon Francën se po nxit një luftë të re në Kaukazin Jugor

Presidenti i Azerbajxhanit, Ilham Aliyev, akuzon Francën se po nxit një luftë të re në Kaukazin e Jugut. Gjatë një takimi ai tha se Franca po inkurajon separatistët dhe po armatos siguron armë për Armeninë

Presidenti i Azerbajxhanit akuzon Francën se po nxit një luftë të re në Kaukazin Jugor

Presidenti i Azerbajxhanit, Ilham Aliyev

Presidenti i Azerbajxhanit, Ilham Aliyev, akuzon Francën se po nxit një luftë të re në Kaukazin e Jugut. Gjatë një takimi ai tha se Franca po inkurajon separatistët dhe po armatos siguron armë për Armeninë.

“Përveç kolonive të saj të mëparshme dhe të tanishme, Franca po destabilizon edhe rajonin tonë, Kaukazin e Jugut, duke mbështetur tendencat separatiste dhe separatistët, duke i ofruar armë Armenisë, duke imponuar një politikë ushtarake, duke inkurajuar forcat revanshiste në Armeni dhe duke krijuar terrenin për një luftë të re në rajonin tonë”, tha Aliyev.

Sipas Aliyev, Franca po kërkon të përfitojë nga anëtarësimi i saj i përhershëm në Këshillin e Sigurimit të OKB-së për të kryer intriga politike në rajone të ndryshme, ndërsa organizatat perëndimore po e përdorin Parisin për të ushtruar presion mbi vendet e tjera, raportonn

Aliyev foli gjatë konferencës "Dekolonizimi: Fuqizimi dhe Zhvillimi i Grave". Azerbajxhani ka presidencën e radhës në Lëvizjen e të Paangazhuarve, e cila bashkon vendet që kanë deklaruar mospjesëmarrje në blloqe ushtarake dhe politike dhe promovojnë bashkëjetesën paqësore bazuar në parimet e pavarësisë dhe barazisë si bazë të politikës së tyre të jashtme, raporton media turke Anadolu.

Lëvizja përfshin 120 vende, ndërsa një numër vendesh, përfshirë Rusinë dhe organizatat ndërkombëtare kanë statusin e vëzhguesit. 

Azerbajxhani mori kryesimin e lëvizjes 2019-2022 pas samitit të Lëvizjes së Jo-Angazhimeve në Baku në vitin 2019. Mandati i kryesimit të vendit u zgjat më vonë edhe për një vit tjetër.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57