Presidenti i FSHF-së, Armand Duka i ka shprehur shqetësimin kryeministrit Edi Rama në lidhje me paketën  ligjore në ndihmë të futbollit dhe sportit të përgatitur nga FSHF-ja.

Sipas tij, nuk ka pasur vullnet pozitiv prej Ministrisë së Financave dhe është konstatuar një mungesë vizioni për të ardhmen e sportit shqiptar. Duka shprehet se futbolli nuk kërkon lëmoshë por investime me sigurinë e garantuar  se çdo dollar i investuar, kursen katër të tillë.

Sipas Dukës grupi i punës i ngritur me urdhrin e Ramës shumë shpejt u përfshi nga përçarja politike, me qëllim ngritjen e flamurit të reformatorit në sport. Kreu i FSHF-së i drejtohet Ramës të ushtrojë pushtetin në të mirë të futbollit e të ndërprerjes së bojkotit dhe të ndjekin shembullin progresist të Hungarisë apo Gjermanisë.

Në mbyllje të letrës, kryeministrit i kërkohet edhe një herë të mbajë premtimin e dhënë për një fillim të ri për sportin shqiptar.