Presidenti i Iranit, Ebrahim Raisi, tha se raportet e shtetit të tij me Shtetet e Bashkuara mund të lëvizin përpara nëse administrata e presidentit Joe Biden, do të demonstronte se dëshiron të kthehet në marrëveshjen bërthamore të vitit 2015. Sipas tij, hapi i parë në këtë drejtim duhet të jetë lehtësimi i sanksioneve.
Gjatë një konference për media, ai tha se amerikanët kanë kontaktuar përmes disa kanaleve “dhe kanë thënë se ata dëshirojnë dialog, por ne besojmë se dialogu duhet të shoqërohet edhe me veprime”.
“Pra, vetëm bisedimet nuk do të zgjidhin çështjen”, tha Raisi. Por, veprimet për sanksionet “mund të jenë një themel i qëndrueshëm” për të vazhduar diskutimet.
“Ne nuk jemi larguar nga tavolina e negociatave”, shtoi lideri iranian.
Raisi përsëriti se tërheqja e SHBA-së nga marrëveshja e vitit 2015 – që synonte frenimin e programit bërthamor të Iranit – shkeli zotimet e SHBA-së, përfshirë ato për sanksionet.
Presidenti i atëhershëm amerikan, Donald Trump, u tërhoq nga marrëveshja më 2018 dhe riktheu sanksione të ashpra ndaj Republikës Islamike. Një vit më vonë, Irani nisi shkeljen e marrëveshjes duke pasuruar uranium në nivele të larta. Pas kësaj, nisën bisedimet në Vjenë për ringjalljen e marrëveshjes, por ato dështuan në gusht të vitit 2022.
Për një kohë të gjatë Irani ka mohuar se synon të krijojë armë bërthamore dhe insiston se programi i tij ka qëllime krejtësisht paqësore. Raisi ka deklaruar më herët se “armët bërthamore nuk kanë vend në doktrinën mbrojtëse dhe atë ushtarake” të shtetit të tij.
Agjencia Ndërkombëtare për Energji Bërthamore ka paralajmëruar më herët se Irani ka pasuruar mjaftueshëm uranium dhe mund të krijojë me to “disa” bomba bërthamore, nëse dëshiron./REL
Komente
Lajme të tjera
-
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37 -
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Lirohet pa akuza gruaja iraniane që u zhvesh në shenjë proteste
19 Nëntor, 20:00
