Presidenti i SHBA, Joe Biden ka emëruar ambasadorin e ardhshëm të Kosovës, Jeffrey M. Hovenier. Nëse Hovenier do të miratohet nga Senati, do marrë postin e ardhshëm të ambasadorit.
Jeffrey M. Hovenier cili aktualisht shërben si zv.ambasador i Shteteve të Bashkuara në Ankara të Turqisë. Hovenier ka shërbyer gjithashtu në misionet e Shteteve të Bashkuara, në Kroaci, Greqi, Panama, Paraguai dhe Peru; në Organizatën për Siguri dhe Bashkëpunim në Evropë.
Hovenier ka përvojë në Kosovë, pasi ka shërbyer në ekipin e të Dërguarit të Posaçëm të OKB për statusin politik, Martti Ahtisaari. Në vitin 2018, ish-Presidenti i Kosovës, Hashim Thaçi e nderoi zotin Hovenier me Medaljen Presidenciale Jubilare për 10 vjetorin e pavarësisë së Kosovës, “për kontributin e tij për lirinë dhe pavarësinë e Kosovës”.
![](https://shqiptarja.com/template/img/NO_ALFA_Kuadrate shqiptarja.png)
Nominimin e ambasadorit të ri e ka uruar edhe ambasadori aktual i SHBA-së në Kosovë, Philip S. Kosnett.
“Urime kolegut dhe mikut tim Jeff Hovenier për nominim e tij si Ambasadori i ardhshëm i SHBA në Kosovë”, ka shkruan Kosnett.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)