POP 5

Lajmet më të lexuara të 5 minutave të fundit

Politikë

Presidenti shkarkohet me 93 
vota, PS e LSI kanë 85 deputet

Kërkesa e bërë dje nga ana e LSI-së për shkarkimin e presidentit të vendit Bujar Nishani pritet që të hap një debat të fortë në politikë, por faktikisht mazhoranca nuk i ka votat e mjaftueshme për të bërë këtë shkarkim.
Presidenti shkarkohet me 93 <br />vota, PS e LSI kanë 85 deputet
TIRANE- Kërkesa e bërë dje nga ana e LSI-së për shkarkimin e presidentit të vendit Bujar Nishani pritet që të hap një debat të fortë në politikë, por faktikisht mazhoranca nuk i ka votat e mjaftueshme për të bërë këtë shkarkim. Në bazë të nenit 90 të Kushtetutës së Shqipërisë kur flitet për “Presidentin e Republikës” thuhet se presidenti shkarkohet me votat e 2/3 të deputetëve të Kuvendit, pra 93 vota. “Presidenti i Republikës nuk ka përgjegjësi për aktet e kryera në ushtrim të detyrës së tij. Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rëndë.

Propozimi për shkarkimin e Presidentit në këto raste mund të bëhet nga jo më pak se një e katërta e anëtarëve të Kuvendit dhe duhet të mbështetet nga jo më pak se dy të tretat e të gjithë anëtarëve të tij”, thuhet në Kushtetutë.

Votat
Aktualisht mazhoranca zotëron 85 deputet dhe ka 3/5 e votave të të gjithë deputetëve të Kuvendit. Por sërish këto nuk janë të nevojshme kur bëhet fjalë për ndryshimet Kushtetuese apo për shkarkimin e Presidentit. Aktualisht mazhoranca ka marrëdhënie të mira me disa deputetë të opozitës, të cilët kanë zhvilluar edhe takime informale me kryeministrin Edi Rama dhe kreun e Kuvendit Ilir Meta. Por gjithsesi deklarata e bërë dje nga ana e Spartak Braho do të shkaktojë shumë debate ndërmjet mazhorancës dhe opozitës të cilat ditët e fundit janë përfshirë në një debat tepër të ashpër përsa i përket trafikut të drogës nëpërmjet rrugëve ajrore.

Redaksia Online
(d.a/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51