Presioni amerikan ndaj vendeve europiane: dënoni Teheranin për sulmet me dronë në Arabinë Saudite

Tregu botëror i naftës së papërpunuar është vënë në lëvizje kaotike.  Rreziku i rritjes edhe më tej të çmimit të naftës edhe më keq. Po shtohet rreziku i përshkallëzimit ushtarak. Ndërsa kancelaritë evropiane po analizojnë jo vetëm pasojat politike të sulmit ndaj rafinerisë Aramco në Arabinë Saudite. Presionet e SHBA po rriten për të bindur aleatët në Europë të akuzojnë pa rezerva Iranin, të cilën Washingtoni e konsideron përgjegjëse për incidentin.

Maas: "Të arsyetosh me mendje dhe pa paragjykime"

"Rebelët Houti kanë deklaruar se janë ata përgjegjësit e sulmit me drone. Ne po arsyetojmë, së bashku me partnerët tanë, se kush mund të jetë përgjegjës dhe për rrethanat në të cilat ndodhi sulmi mbi depozitat e naftës në Arabinë Saudite. Po veprojmë pa paragjykime” - Tha Ministri i Jashtëm gjerman, Maas.

Megjithëse Teherani po kundërshton me ngulm akuzat, administrata Trump nuk duket se është e gatshme të lejojë t’i ik nga duart rasti për të ndarë llogaritë me Iranin.  

Rick Perry, Ministri i Energjisë: Unë ritheksoj që Shtetet e Bashkuara dënojnë me forcë sulmin iranian ndaj mbretërisë Saudite, dhe u bëjmë thirrje vendeve të tjera që të bëjnë të njëjtën gjë. Kjo sjellje është e papranueshme".

Rritja e tensionit ka të ngjarë të çojë shpejt në skenarë edhe më të rrezikshëm, para së gjithash atë të një ndërhyrjeje ushtarake amerikane në Gjirin Persik.

TAG:
• SHBA
• iran
• teheran
• Shtetet e Bashkuara
• Washingtoni
• Aramco
• aleatët në Europë
• Presionet e SHBA
• Rick Perry